Samarqand iqtisodiyot va servis instituti bektemirov a., Omonov a. A., Xaydarov z. Sh., Niyozov z. D. Tijorat banklari aktiv va passivlarini

§
 
7.4. Kredit siyosatida kreditlarning garov ta’minotiga qoʻyiladigan 
talablar
 
Kredit siyosatida kreditlarning garov ta‘minotiga qoʻyilgan talablar hamda 
beriladigan kredit summasi va garov obyektining qiymati oʻrtasidagi marjinal 
qiymat aniq aks ettirilgan boʻlishi kerak. 
1. Qimmatli qogʻozlar garovi. 
Qimmatli qogʻozlarni garovga olishda ularning barcha rekvizitlari 
shartnomada qayd qilinishi lozim (emitent, narxi, chiqarilgan vaqti va boshqalar).
Agar, garovga qoʻyiladigan qimmatli qogʻozlar naqd shaklda boʻlsa, 
garovga qoʻyilgan qimmatli qogʻozlarni saqlash uchun bankka topshiriladi, 
naqdsiz shaklda boʻlgan qimmatli qogʻozlar bankni depozitariyadagi ―Depo‖ 
hisobvaragʻiga oʻtkaziladi.

---

76 
Garov sifatida qabul qilingan qimmatli qogʻozlar kredit boʻyicha foizlari va 
kreditni asosiy summasi toʻliq soʻndirilgandan soʻng qaytariladi. Kreditning 
qaytmagan qismi boʻlsa, garovga olingan qimmatli qogʻozlarni qisman qaytarib 
berilishiga yoʻl qoʻyilmaydi.
Qimmatli qogʻozlarni garovga olishda, agarda bank uni garovga qoʻyish 
huquqiga shubha qilmasa, shartnomani notarial tasdiqlamasdan rasmiylashtirilishi 
mumkin.
Qimmatli qogʻozlarning garov obyekti holatidagi sifat mezonlari: 
1. Oson sotilishi. 
2. Emitentning moliyaviy holati. 
Ushbu mezonlardan kelib chiqqan holda, qimmatli qogʻozlar quyidagi 
marjinal qiymatda garovga olinadi: 
– davlat qimmatli qogʻozlari – 95 foizgacha; 
– korxonalarning aksiyalari – 80-85%; 
– tijorat veksellari – 75-80%. 
2. Qimmatbaho buyumlar garovi
.
Qimmatbaho buyumlar (taqinchoqlar) garovga olinishida bunday boyliklar 
sifati va haqiqiyligi boʻyicha ekspertiza qilinishi hamda baholash huquqiga ega 
boʻlgan tashkilot tomonidan baholash xulosasi asosida garovga olinishi mumkin.
Qimmatbaho buyumlar umumiy mulk (masalan, oila mulki) hisoblanishi 
mumkin boʻlgan hollarda bu shartnoma notarial tasdiqlanishi shart.