Samarqand davlat universiteti raqamli texnologiyalar fakulteti

Fakultet kengashi raisi: dots. Babayarov A.

Kelishildi: O’quv uslubiy boshqarma boshlig’i: B.Aliqulov

Mundarija

	Annotatsiya	5
	Mualliflar haqida ma’lumot	6
	«Tizimli dasturlash» fanidan ishchi o’quv dasturi	7
	O’quv materiallari : Maruza matni	24
	Oraliq nazorat uchun test savollari	102
	Yakuniy nazorat uchun savollar	104
	Mustaqil ta’lim mavzulari va uni bajarish bo’yicha tavziyalar	105
	Tizimli dasturlash fanidan adabiyotlar ro’yxati	112

Annotatsiya
2002 yilda 30 mayda O’zbekiston Respublikasi Prezidenti tomonidan PF №3080 «Kompyuterlashtirish va axborot – kommunikasiya texnologiyalarini yanada rivojlantirish xaqidagi» qarori va «Kompyuterlashtirish va axborot – kommunikasiya texnologiyalarini 2002-2010 yillargacha rivojlantirish dasturi»ga asosan respublikamizda kompyuter va axborot texnologiyalarini rivojlantirish, ularni xalq xo’jaligida samarali qo’llash – dolzarb masalaga aylangan. Telekommunikasiya to’rlari, berilganlarni uzatish, Internet xizmatlariga kirish vositalari rivojlanib takomillashtirilmoqda.

Hozirgi kunda fan-texnikani jadal suratlar bilan rivojlanishi natijasida turli murakkab jarayonlarni, ularni matematik nuqtai nazardan tasavvur qilish, model­la­rini tuzish, algoritm va programma ta’minotini yaratish nafaqat nazariy jihatdan, balki amaliy jihatdan ham dolzarb bo’lgan muammolardan biri hisoblanadi. Fan naza­riy va amaliy qismlardan iborat bo’lib, u algoritmlar, Assembler tilida Tizimli dasturlash, visual, ilova programmalar tuzish bo’yicha boshlang’ich tushunchalarni o’z ichiga olgan bo’limlaridan tashkil topgan.

"Tizimli dasturlash" fani tabiiy fundamental fanlar majmuasiga ta’alluqli bo’lib, talabalar uni VII semestrda o’rganishadi.

"Tizimli dasturlash" fanining bosh maqsadi talabalarga tizimli dasturlar va dasturlashni o’rgatishdir. Bu maqsadda tizimli programmalash tillari haqida umumiy tushunchalar berish va bu tillardan foydalanishga o’rgatish hamda ixtisoslik fanlarini o’rganishga tayyorlashdan iborat. Berilgan masalalarni yechish uchun algoritm­lar qurish va ular asosida tizimli programma tuza olish, qator fundamental bilimlarni muvaffaqiyatli o’zlashtirish uchun zarur bo’ladigan tayanch bilimlarni beradi.