|
Е.М. Рузаева. Соотношение понятия «инвалид» в российском и международном праве. //Юридические науки. 2009 г. –242 с.
Bekmurodov M. Oliy ma`lumotli ijtimoiy xodimlarni tayyorlashda ta`lim muassasalarining roli.T.:2008 y.
Xusanova X. O’zbekistonda aholini ijtimoiy muhofazalashda o’zini-o’zi boshqarish organlarini o’rni. 2008 y.
Kim L. Bolalarni ijtimoiy himoya qilish tizimida kadrlar masalalarini hal qilish yo’lida.T.2008 y.
G’aniyeva M.X. Ijtimoiy ish asoslari.T.: 2010 y.
Normurodov B. Sotsiologiya tarixi. T.:2010 y.
Tadjieva S. Bolalarni patranat oilalarga berishning xorij tajribasi.T.:2010 y.
Chicirina Ya,E. Ismaylova R.N. Nogironlikka bo’lgan bolalar bilan ijtimoiy ish kursi bo’yicha xrestomatiya. – Тоshkent: JAНON PRINT, 2012. – 6-b
Ijtimoiy ish etikasi. (Hammualliflikda) Darslik.T. “Fan va texnologiyalar” nashriyoti 2015 y.
Internet saytlari
1.www.wikipedia.com.
2.www.wikipedia.com.
3.www.wikipedia.com.
1-MAVZU IJTIMOIY ISH FANIGA KIRISH. IJTIMOIY ISH VA IJTIMOIY TA’MINOT TUSHUNCHALARINING MOHIYATI.
2-soat
Kursning tuzilishi, maqsadi va kutilayotgan natijalar. Davlatimizda ijtimoiy ish professional faoliyat turi sifatida mavjudligi va rivojlanishi ijtimoiy hayotning barcha sohalariga birday tegishli o’zgarishlar davriga to’g’ri keldi.
AQSHning Viskonsin shtatidagi Jorj Uilyams kolleji professori Charlz Zasrov shunday yozadi: “Ijtimoiy ish insonlarning huquqi va imkoniyatlarini oshirish jarayonida, insonlarning o‘ziga, oila a’zolariga, ishlab chiqarish tashkilotlariga va ularning jamoat birlashmalariga ko‘mak beradi, hamda ularning o‘zaro munosabatlariga, ijtimoiy-iqtisodiy va siyosiy darajalarining o‘sishiga bevosita ta’sir etib, hayotiy faoliyatlarining yaxshilanishiga olib keladi”1
Ijtimoiy ish keng ma’noda ijtimoiy hodisa sifatida ijtimoiy yordamning o‘ziga xos modelidir. Uni jamiyat aniq bir tarixiy davrda ijtimoiy, siyosiy va madaniy rivojlanishining xususiyatlariga mos ravishda ruyobga chiqaradi. Tor ma’noda esa ijtimoiy ish ijtimoiy zaruriy faoliyat bo‘lib, kishilar, ijtimoiy guruhlarga shaxsiy va ijtimoiy qiyinchiliklarni engishda yordam berishga qaratilgan.
Ijtimoiy ish tushunchasi – butun dunyoda qabul qilingan ibora bo‘lib, u insonning insonga gumanistik munosabatini bildiradi.
Har bir shaxs o`z hayot hamda mehnat faoliyati davomida unga, hayotiga, sog`lig`iga, mehnat qobiliyatiga ta`sir ko`rsatishi mumkin bo`lgan har qanday turdagi xavf-xatarga duch kelmasligi yohud hayotida, uning oila a`zolari orasida noxush vaziyatlar ro`y bermasligi xavfidan xoli emas. Boshqacha qilib aytganda, har bir kishi o`zi yoki oila a`zosi bilan ijtimoiy xavf-xatar (kasallik, qarilik, homiladorlik, nogironlik, boquvchisidan mahrum bo`lish va h.k.) yuz bermasligiga kafolat bera olmaydi. Mazkur holat bir qancha ijtimoiy-iqtisodiy shart-sharoitlar, ishlab chiqarish jarayoni bilan uzviy bog`liq bo`ladi. Ayniqsa, bugungi bozor iqtisodiyotiga o`tish sharoitida mulkchilikning turli shakllari joriy qilinib, tadbirkorlikka keng yo`llar ochilganda hamda kishining o`z aqliy va ijodiy qobiliyatlarini to`la ro`yobga chiqarish imkoniyati yaratilgan sharoitda aholi o`rtasida, ularning yoshi, jinsi, salomatligi, mehnat qobiliyati, daromadi va boshqa xil xususiyatlariga ko`ra tabaqalashuv, farqlanish yuz berishi tabiiydir. Mamlakatimiz aholisi ham mazkur jarayondan chetda emas. O`z o`rnida savol tug`ilishi mumkin: fuqarolarni shunday xatar hamda vaziyatlarda himoyalash, ular uchun kafolatlarning eng kam darajasini belgilash vazifasini kim va qanday usullarda hamda vositalarda hal etadi. Aytish kerakki, mazkur vazifalar davlatning ijtimoiy funksiyalari bilan bog`liq bo`lib, unda bevosita aholini ijtimoiy himoya qilish tadbirlari, ularni amalga oshirish mexanizmlari ishlab chiqilgan bo`ladi. Bu har qanday demokratik davlatning eng asosiy belgilaridan sanaladi.
Fuqarolarning O`zbekiston Respublikasi Konstitusiyasida belgilangan ijtimoiy-iqtisodiy huquqlaridan biri, bu – ularning ijtimoiy ta`minot olishga bo`lgan huquqi, xususan fuqarolar qariganlarida, mehnat qobiliyatlarini yo`qotganlarida yoki boquvchisidan mahrum bo`lganlarida hamda qonun hujjatlarida nazarda tutilgan boshqa hollarda normal turmush kechirishni ta`minlaydigan darajada moddiy ta`minot yoxud boshqacha shakldagi ijtimoiy yordamlar olish huquqidir. 2
Ijtimoiy ta`minot muayyan holatlar (yuridik faktlar) yuzaga kelganda aholining barcha qatlamlariga davlat byudjeti va maxsus byudjetdan tashqari fondlardan beriladigan moddiy yordamlar yoki natural holda ko`rsatiladigan ijtimoiy xizmatlardan iborat.
Jahon tajribasida aholining zaif qatlamlari-keksalar, imkoniyati cheklangan insonlar, inqiroz holatidagi oilalar, qiyin hayotiy muammolarga duch kelgan insonlar, shu jumladan bolalarga yordamni malakali mutaxasislar - ijtimoiy ishchilar tashkil etadilar va amalga oshiradilar.
Ijtimoiy ish xodimlari mijozlarni o’rab turgan muhitni tushunish, qaror qabul qilish, qaror mas’uliyatini anglash va tashkilotchilik hamda targ’ibot orqali ularni hayotiy vaziyatlariga ta’sir qilish maqsadida ularning o‘z ichki resurslarini rivojlantirishga harakat qilishadi. Ijtimoiy ish xodimlari, shuningdek, jamiyatda ijtimoiy adolatni ta’minlashga harakat qilishadi. Ijtimoiy ish sohasida ijtimoiy adolat alohida o’rin egallaydi. So’nggi vaqtlarda ijtimoiy ish alohida e’tibor qaratilgan inson huquqlari konsepsiyasi nuqtai nazaridan tahlil etilmoqda”.3
Bu soha ijtimoiy jihatdan muhim bo‘lgan professional soha bo‘lib, u jamiyatning ijtimoiy barqarorligini ta’minlash vazifasini bajaradi, shuningdek davlatning zamonaviy ijtimoiy siyosatini amalga oshirishini, ehtiyojmand aholi qatlamlariga ijtimoiy xizmatlarning sifatli va manzilligini ta’minlash uchun xizmat qiladi. Aynan shu fan uchun zarur bo‘lgan barcha mavzular o‘quv dasturiga kiritilgan.
Do'stlaringiz bilan baham: |
