Samarqand davlat universiteti maktabgacha ta’lim fakulteti

Ikkinchi bob bo`yicha xulosa
Montessori tizimi bir nechta printsiplarga asoslanadi, ularning asosiylari o'quv jarayonini o'yin shaklida qurish va bolaning mustaqil qaror qabul qilishidir. Bola topshiriqlarni o'zi bajarishga harakat qilishi kerak va u qancha vaqt davom etadi, qaysi shaklda bo'ladi, u ham bolaning o'z xohishiga ko'ra tanlanadi. Kattalar rivojlanish jarayoniga aralashmaydi, faqat yordam beradi. Bola shaxsiy rivojlanishida o'zi asosiy rolni bajaradi. Bu esa bola tug`ilganidan shaxsiy rivojlanish ehtiyojlariga egaligi bilan belgilanadi.
Ushbu metodning asosi shundaki, bolani o'z o'zini shaxsiy tarbiyalash, ta'lim olish va rivojlanishga undashdir. Bola mustaqil ichki potentsialini qo'llagan holda o'zining shaxsiyatini rivojlantirib boradi. Erkinlik va mustaqillikda bola shaxsiy rivojlanish tempi orqali dunyoni anglab yetib, o'zini hech kimga qaram emasligini his qilib, bilish va idrok etish faoliyatiga qiziqishlarini rivojlantiradi. Shu sababli pedagogning roli an'anaviy pedagogdan tubdan farq qiladi: u bolani yetaklab yurmaydi, aksincha bolaga ergashadi. Pedagog bolalarning rivojlantiruvchi muhitdagi mustaqil faoliyatlarini boshqaradi, ular uchun qiziqarli bo'lgan faoliyatlariga e'tiborlarini qaratishga yordam beradi va diqqat bilan bolalarning yutuqlarini kuzatadi. M. Montessori fikricha, pedagog «bolaning shaxsiy rivojlanishida uning ongiga” yordam beradi.

3-BOB. Maktabgacha ta`lim tashkilotida Mariya Montessori metodikasidan foydalanishning samaradorligi.
3.1. Maktabgacha ta`lim tashkilotlarida M.Montessori metodikasidan foydalanish yo`llari.
Mariya Montessori ta`lim tizimining asosiy tarkibiy qismi bu - butun xonaning zonalarga bo`linishidir. Bolalarning hatti-harakatlarini o'rganib, Mariya Montessori uchta asosiy tarkibiy qismni aniqladi, buning natijasida bolaning uyg'un rivojlanishi sodir bo'ladi. Eng muhim element - bu alohida zonalarga bo'lingan maxsus muhit. Shuni ta'kidlash kerakki, maxsus tayyorlangan muhitda hamma narsa darslikdir. Atrof-muhit qurilishning aniq mantig'iga ega. Butun xonani zonalarga bo'lish kerakli tartibni saqlashga imkon beradi va bola tezda kerakli materialni topishi mumkin. Hududlar quyidagicha ajratilgan: