Samarqand davlat universiteti jismoniy madaniyat fakulteti sport turlarini o

Sport mashg’ulotlari tamoyillari.
Sport mashg’uloti pedagogik tamoyillar asosida to’ziladi. Jismoniy mashqlar bilan shug’ullanishning maxsus xususiyatlari bo’lgani uchun (asab va jismoniy kuchning zo’r bo’lishi, sportchi organizmining funksional imkoniyatlarini oshirish kerakligi kabilar), pedagogika tamoyillari sport mashg’uloti jarayoniga moslanib rivojlana boradi. Bundan tashqari jismoniy tarbiya jarayonining, shu jumladan, sport mashg’uloti jarayonining xususiyatlarini aks ettiradigan tamoyillar ham paydo bo’ldi. Sport mashg’ulotida quyidagi asosiy tamoyillar tashkil topdi: har tomonlamalik tamoyili, onglilik tamoyili, asta – sekinlik tamoyili, takroriylik tamoyili, ko’rgazmalilik tamoyili, individuallik tamoyili.
Har tomonlamalik tamoyili.
Yengil atletikachining har tomonlama rivojlangan bo’lishi – yuqori darajada axloqiy va madaniy saviyali bo’lish, har jihatdan irodali bo’lish,muskullari va harakat fazilatlarining mutanosib taraqqiy topgan bo’lishi, yurak qon – tomir, nafas olishi va boshqa sistema va organlar ish qobiliyatining a’lo darajada bo’lishi, harakatlarni xilma – xil boshqara olish, umuman, jismoniy kamolotga yetish demakdir.
Yengil atletikadagi ixtisoslashni bir tomonlama tushunish, masalan, sprintda mashq qilish faqat qisqa masofaga Yugurishdan iborat, deb bilish yaramaydi. Bu maqsadga erishish uchun turli – tuman jismoniy mashqlar qilish lozim. Har tomonlama rivojlanish darajasini oshirish – tanlab olingan turida maxsus jismoniy tayyorgarlikka, texnik mahoratga erishish uchun yanada pishiqroq mashq qilish asosiy shartdir.
Har tomonlamalik tamoyilining yosh yengil atletikachilarni tarbiyalashda ayniqsa muhim ahamiyati bor. Yoshlikda har tomonlama jismoniy rivojlanish – katta bo’lganda sog’lom va ishga yaroqli bo’lish zaminidir.
Har tomonlamalik tamoyili yengil atletikachining butun organizmiga ijobish ta’sir ko’rsatishi uchun xilma – xil metodlar ishlatishni va turli – tuman jismoniy mashqlar qilishni talab etadi. Shundagina sportchi jismoniy kamolotga yetadi.