Samarqand davlat universiteti jismoniy madaniyat fakulteti sport turlarini o

Yengil atletikada sport mashg’ulotlarining asoslari
Yengil atletika mashqlari shug’ullanuvchilarga kuch kelish miqdori, harakatning shakli va harakteri jihatidan juda ham har xil bo’ladi. Shuning uchun yengil atletikaning har qaysi turida sportchi mashg’ulotining xususiyati ham, metodikasi ham shu turning o’zigagina xos bo’ladi. Shu bilan birga ayrim metodikalarning sport mashg’ulotiga asos bo’ladigan ko’pgina qoida va qonuniyatlarida o’xshashliklar ham juda ko’p. Xuddi ana shunday umumiy qonuniyatlar yengil atletikada sport mashg’uloti asoslarini tashkil qiladi.
Sport masahg’ulotini faqat jismoniy mashqlar bilan shug’ullanishdan va gigiyenik rejimga rioya qilishdangina iborat deb bo’lmaydi. Jismoniy madaniyat jamoasida yoki seksiyada sport bilan shug’ullanish jarayonida , shuningdek yana boshqa tadbirlar vositasida sportchilarni vatanparvarlik ruhida tarbiyalash, iroda va xarakterni chiniqtirish, mehnatsevarlikka va sport mashg’ulotiga ongli munosabatda bo’lishga odatlantirish yo’zasidan juda ko’p hildagi ishlar qilinadi. Umuman madaniyat, sport mashg’uloti, texnika, taktika masalalari sohasida shug’ullanuvchilarning bilim doirasini kengaytira boorish ham nihoyatda muhimdir.
Sport mashg’ulotiga rahbarlik qilish uchun metodikani, yosh va jinsiy xususiyatlarni bilishga, mashq qilayotganlardan har qaysisini yaxshi o’rganishga asoslangan pedagogik san’at bo’lmog’i zarur. Bundan tashqari mashg’ulotni to’g’ri uyushtirish uchun shug’ullanuvchilar ish qobiliyati o’zgarishini va sog’liq darajasini o’z vaqtida belgilab turadigan vrach nazoratining ham muhim ahamiyati bor. Shuning uchun vrach bilan murabbiy ishida yaqin hamkorlik bo’lishi kerak. Binobarin, yengil atletikachilar mashg’ulotlaridan maqsad shug’ullanuvchilarni har tomonlama rivojlantirish, jismoniy kamolotga va mumkin qadar yuqori sport natijalariga erishtirishdir. Bu maqsadga erishish uchun shug’ullanuvchilar har tomonlama rivoj topgan va salomat bo’lishi, yengil atletika mashqlari texnikasi va musoboqalarda qatnashish taktikasini bilib olish, axloq va irodaga bog’liq fazilatlarni tarbiyalash, yengil atletikadan tanlab olingan turga mos jismoniy sifatlarni rivojlantirish, yengil atletika, gigiyena va o’z – o’zini nazorat qilish sohasida amaliy malaka va nazariy bilim olish zarur.Yengil atletikachilar qay darajada tayyor ekanliklaridan qatiy nazar, oddiy musoboqalarga tayyorlanayotganda ham, jahon birinchiligi oldidan ham bu shartlarga rioya qilmoq mutloq zarur.