Samarqand davlat chet tillari instituti tarjima nazariyasi va amaliyoti fakulteti yapon tili yo

LDPda amalga oshirilgan islohotlarda muvaffaqiyatsiz urinishlar. Tanaka isteʼfoga chiqqandan soʻng, Miki Takeo Liberal-demokratik partiyani boshqargan. Jamiyatning korrupsiyadan gʻazablanishi ortidan uning bosh vazir etib saylanishiga xolis siyosatchi sifatida obroʻsi sabab boʻldi. Mikkining kabinet rahbari ekanligidagi qisqa faoliyati LDP hukumati uchun umuman normal holat emas edi. Hukumat parlamentdan siyosiy jamgʻarmalarni nazorat qilish toʻgʻrisidagi qonunga oʻzgartirishlar kiritdi, unga koʻra ayrim davlat siyosatchilariga (deputatlar va saylovga nomzodlar) beriladigan pul xayriya mablagʻlari nazorat ostiga olindi va siyosatchilarning oʻzi mablagʻlarning kelib tushishi va sarflanishini hisobga olishlari shart edi. Bundan tashqari, Mikki Lockheed ishi boʻyicha tergovni qoʻllab quvvatladi. 1976 -yil noyabrda uning rahbarligidagi vazirlar kabineti Yaponiyaning yillik mudofaa xarajatlari yalpi milliy mahsulotning (YaMM) bir foizidan oshmasligi toʻgʻrisida muhim qaror qabul qildi. Mikkining hukmronligi davrida hukumat muvaffaqiyatsiz boʻlsa ham, 1947-yildagi “antitrestlik qonuni” normalariga qaytishga urinib koʻradi. LDPni “modernizatsiya qilish” uchun Mikki oʻzining raisi uchun barcha partiyalar aʼzolari va “partiyaning doʻstlari” tomonidan saylovlar oʻtkazishni rejalashtirgan (bu tartib LDP tomonidan 1977-yilda, Mikkining isteʼfosidan keyin qabul qilingan). Nihoyat, Mikki hukmron partiya va muxolifat oʻrtasidagi munosabatlarni konstruktiv muloqotga aylantirishga intildi. Mikkning faoliyati LDPda norozilikni keltirib chiqardi va fraksiya rahbarlari uni olib tashlashni talab qilishdi. 1976-yilda LDP uchun oʻtkazilgan parlament saylovlarining muvaffaqiyatsiz natijalari uning isteʼfosiga qulay bahona boʻldi.