Samarqand davlat chet tillar instituti ingliz tili nazariy aspektlari kafedrasi

Malakaviy amaliyot maqsadi va vazifalari
Malakaviy amaliyotning maqsadi. Fan o‘qituvchisi o‘quvchilar bilan ta'lim-tarbiyaga doir ishlar tizimini to‘la bajarishga tayyorlashdan iborat.
Talabalarni kelgusidagi pedagogik faoliyatga tayyorlash, maktab, akademik lisey va kollej ta'lim tarbiya jarayonida pedagogika, psixologiya, metodika va chet tili bo‘yicha nazariy bilimlarni, qobiliyatni amalga oshirish va kasbiy kompetensiyalarini o‘zlashtirishdan iborat. Aynan malakaviy amaliyot paytida talabalar tilshunoslik, pedagogika, metodika, psixologiyaning nazariy asoslari va maktabdagi mustaqil ijodiy ish o‘rtasida bevosita bog‘liqlikni ko‘radilar.
Malakaviy amaliyot vazifalari:
• o‘qituvchilik kasbiga nisbatan qiziqish uyg‘otish, to‘g‘ri kasb tanlaganligiga ishonch hosil qilishiga va ta'lim muassasalarida ta'lim-tarbiya jarayonini rivojlanishiga hissasini qo‘shishga imkoni borligini bildirish;
• malakaviy amaliyotning maqsad vazifalari mazmunini ko‘rsatish;
• o‘quv-tarbiya jarayonini muvaffaqiyatli amalga oshirish uchun kerakli bo‘lgan pedagogik, professional malaka-ko‘nikmalarni talabalarda shakllantirishga yordam berish;
• bo‘lajak o‘qituvchilarda pedagogik layoqatni shakllantirish va
rivojlantirishga ko‘maklashish;
• pedagogik jarayonga ilmiy yondashish orqali pedagogik mahoratni shakllantirish va rivojlantirishga yordam berish;
• bo‘lajak o‘qituvchining muhim kasbiy kompetensiyalarini shakllantirish, rivojlantirish;
‘• ta'lim jarayonida egallangan nazariy bilimlarni chuqurlashtirishga va to‘ldirishga, ushbu bilimlarni amalda qo‘llay bilish ga yordam berishga sharoit yaratish;
• talabalarni umumiy o‘rta, o‘rta maxsus va kasb-hunar ta'lim muassasalarida chet tilidan darslarni tashkil qilib o‘tkaza olishga tayyorlash;
• talabalarni ilg‘or pedagogik texnologiyalarni o‘rganishga jalb etish, ularda pedagogik, metodik tadqiqot ishlariga nisbatan qiziqishni rivojlantirish;
• o‘quvchilar bilan ma'naviy-ma'rifiy ishlar olib borishga tayyorlash.