Samarqand davlat chet tillar instituti I. Tuxtasinov, N. Isakulova, B. Kulmatov bolalar pedagogikasi

4-bob. Autsorsing usulida sog‘lom ovqatlantirishni tashkil etish

10. Muassasada autsorsing usulida ovqatlantirish «Davlat xaridlari tо‘g‘risida»gi О‘zbekiston Respublikasi Qonuniga muvofiq tarkibi tasdiqlanadigan Tanlov komissiyasi (keyingi о‘rinlarda Komissiya deb ataladi) tomonidan о‘tkaziladigan tanlov asosida tashkil etiladi.

11. Komissiya tarkibi ushbu Nizomga 1-ilovaga muvofiq tarzda tuziladi.

Vazirliklar va idoralardan komissiya tarkibiga kiritiladigan mutaxassislar va ular tо‘g‘risidagi ma’lumotlar (F.I.O., lavozimi, telefon raqami, elektron manzillari) har yili Maktabgacha ta’lim vazirligining murojaatiga asosan 5 kun muddatda ajratilishi ta’minlanadi.

12. Autsorsing usulida ovqatlantirishni tashkil etish bо‘yicha takliflar tuman (shahar) maktabgacha ta’lim bо‘limlari (keyingi о‘rinlarda hududiy maktabgacha ta’lim bо‘limi deb ataladi) tomonidan har chorakda bir marotaba (keyingi chorak birinchi oyining 15-kuniga qadar) tegishliligi bо‘yicha Qoraqalpog‘iston Respublikasi Maktabgacha ta’lim vazirligi, viloyatlar maktabgacha ta’lim boshqarmalari va Toshkent shahar maktabgacha ta’lim bosh boshqarmasiga (keyingi о‘rinlarda hududiy boshqarmalar deb ataladi) taqdim etiladi.

13. Hududiy boshqarmalar tushgan takliflarni umumlashtirib (keyingi chorak birinchi oyining 25-kuniga qadar) Komissiyaga taqdim etadi.

14. Muassasalarda tarbiyalanuvchilarni autsorsing usulida sog‘lom ovqatlantirishni tashkil etish bо‘yicha tanlov О‘zbekiston Respublikasi Maktabgacha ta’lim vazirligi tomonidan (keyingi chorak ikkinchi oyining 25-kuniga qadar) oshkoralik, mablag‘larning iqtisodiy samarali sarflanishi tamoyillari asosida о‘tkaziladi.

Tanlov о‘tkazish bо‘yicha e’lonlar О‘zbekiston Respublikasi Maktabgacha ta’lim vazirligining internet jahon axborot tarmog‘idagi rasmiy veb-saytining maxsus bо‘limiga joylashtiriladi.

15. Autsorserlar uchun qо‘yiladigan umumiy talablar О‘zbekiston Respublikasi Maktabgacha ta’lim vazirligi tomonidan tasdiqlanadi va vazirlikning internet jahon axborot tarmog‘idagi rasmiy veb-saytining maxsus bо‘limiga joylashtiriladi.

Autsorserlarga muassasaning hududiy joylashuvi, ixtisoslashuvi va boshqa xususiyatlaridan kelib chiqib qо‘shimcha texnik talablar qо‘yilishi mumkin.

16. Tuman (shahar) maktabgacha ta’lim bо‘limi (keyingi chorakning uchinchi oyining 5-kuniga qadar) tanlovda g‘olib chiqqan autsorser bilan muassasalarda autsorsing usulida sog‘lom ovqatlantirishni tashkil etish xizmatini kо‘rsatish bо‘yicha tegishli shartnomalarni О‘zbekiston Respublikasi Maktabgacha ta’lim vazirligi tomonidan ishlab chiqilgan va vazirlikning internet jahon axborot tarmog‘idagi rasmiy veb-saytining maxsus bо‘limiga joylashtirilgan namunaviy shakl asosida tuzadi.

17. Autsorsing usulida ovqatlantirishni tashkil etish bо‘yicha tanlovni о‘tkazish tartibi ushbu Nizomga 2-ilovadagi sxemaga muvofiq amalga oshiriladi.

18. Komissiya autsorser faoliyati yuzasidan alohida monitoring olib boradi. Shuningdek, ularning faoliyati natijalariga kо‘ra, Autsorserni «insofli ijrochi» yoki «insofsiz ijrochi» rо‘yxatiga kiritish huquqiga ega.