Samarqand davlat chet tillar instituti I. Tuxtasinov, N. Isakulova, B. Kulmatov bolalar pedagogikasi

1-bob. Umumiy qoidalar

1. Ushbu Nizom kо‘p tarmoqli ixtisoslashtirilgan maktabgacha ta’lim tashkilotlarining (keyingi о‘rinlarda ixtisoslashtirilgan maktabgacha tashkilotlar deb ataladi) va qо‘shma tipdagi maktabgacha ta’lim tashkilotlarining (keyingi о‘rinlarda qо‘shma tipdagi maktabgacha tashkilotlar deb ataladi) maqsadlari va vazifalari, huquqlari, majburiyatlari hamda javobgarligini, shuningdek, ularning faoliyatini tashkil etish tartibini belgilaydi.

2. Ixtisoslashtirilgan maktabgacha tashkilotlar va qо‘shma tipdagi maktabgacha tashkilotlar о‘z faoliyatini О‘zbekiston Respublikasi Konstitusiyasiga, О‘zbekiston Respublikasining «Ta’lim tо‘g‘risida»gi Qonuniga va О‘zbekiston Respublikasining boshqa qonunlariga, О‘zbekiston Respublikasi Oliy Majlisi palatalari qarorlariga, О‘zbekiston Respublikasi Prezidentining farmonlari, qarorlari va farmoyishlariga, О‘zbekiston Respublikasi Vazirlar Mahkamasining qarorlari va farmoyishlariga, Ilk va maktabgacha yoshdagi bolalar rivojlanishiga qо‘yiladigan davlat talablariga, ushbu Nizomga hamda о‘z ustaviga amalga qiladi.

3. Ixtisoslashtirilgan maktabgacha tashkilotlarning faoliyati jismoniy yoki psixik rivojlanishida nuqsonlari bо‘lgan bolalarning maktabgacha ta’lim olishiga, shuningdek, ularni tarbiyalash va reabilitatsiya qilishga qaratilgan.

Qо‘shma tipdagi maktabgacha tashkilotlarning faoliyati jismoniy yoki psixik rivojlanishida nuqsonlari bо‘lgan bolalar va rivojlanishida nuqsonlari bо‘lmagan bolalarning bir tashkilotda alohida guruhlarda birgalikda о‘qishini va tarbiyalanishini tashkil etishga qaratilgan.

Qо‘shma tipdagi maktabgacha tashkilotlarda inklyuziv guruhlar tashkil etilishi mumkin.

4. Ixtisoslashtirilgan maktabgacha tashkilotlar va qо‘shma tipdagi maktabgacha tashkilotlar davlat tashkilotlari va nodavlat tashkilotlar bо‘lishi mumkin.

5. Ixtisoslashtirilgan maktabgacha tashkilot va qо‘shma tipdagi maktabgacha tashkilot akkreditatsiyasi attestatsiya asosida qonun hujjatlarida belgilangan tartibda vakolatli davlat organi tomonidan amalga oshiriladi.

6. Davlat ixtisoslashtirilgan maktabgacha tashkiloti va qо‘shma tipdagi maktabgacha tashkilot yuridik shaxslar hisoblanadi, О‘zbekiston Respublikasi Davlat gerbi tasviri tushirilgan va о‘z nomi davlat tilida yozilgan muhrga hamda shtampga, mustaqil balansga, byudjet va byudjetdan tashqari shaxsiy g‘azna hisobvaraqlariga ega.

7. Nodavlat ixtisoslashtirilgan maktabgacha tashkilot va qо‘shma tipdagi maktabgacha tashkilot yuridik shaxslar hisoblanadi, ajratilgan mol-mulkka, mustaqil balansga ega, о‘z majburiyatlari bо‘yicha о‘z ixtiyoridagi mol-mulk bilan javob beradi, о‘z nomi yozilgan muhrga va shtampga ega bо‘lishi mumkin.

8. Nodavlat ixtisoslashtirilgan maktabgacha tashkilot va qо‘shma tipdagi maktabgacha tashkilot litsenziya olgan vaqtdan boshlab qonun hujjatlarida belgilangan tartibda ta’lim faoliyatini amalga oshiradi.