Samarqand davlat chet tillar instituti I. Tuxtasinov, N. Isakulova, B. Kulmatov bolalar pedagogikasi

5-bob. Maktabgacha ta’lim muassasalarida tarbiyalanuvchilarni kunlik ovqatlantirish narxlarini belgilash
28. Tarbiyalanuvchining maktabgacha ta’lim muassasasida bо‘lgan davri uchun badal tо‘lovlari belgilangan tartibda tarbiyalanuvchilarni ovqatlantirishni tashkil etishga yо‘naltiriladi. Bunda sanitariya qoidalari, normalari va gigiyena normativlarini tо‘liq bajarish uchun ota-onalar tо‘lovlari bilan qoplanmagan qismi О‘zbekiston Respublikasi byudjeti mablag‘lari hisobiga qoplanadi.
29. Maktabgacha ta’lim muassasasida tarbiyalanuvchilarni ovqatlantirish jismoniy va yuridik shaxslarning homiylik xayriyalari yoki muassasaning byudjetdan tashqari mablag‘lari hisobiga tashkil etilgan taqdirda, tarbiyalanuvchilar uchun belgilangan bir kunlik ovqatlanish ratsioni sanitariya qoidalari, normalari va gigiyena normativlariga muvofiq belgilangan normalardan oshmasligi lozim.
6-bob. Maktabgacha ta’lim muassasalari xodimlarining ovqatlanishini tashkil etish
30. Maktabgacha ta’lim muassasasi xodimlarining ushbu muassasada ovqatlanishi maktabgacha ta’lim muassasasi mudiri bilan xodim о‘rtasida tuzilgan shartnomaga muvofiq tо‘lov asosida tashkil etiladi.
Faoliyati bolalar tarbiyasi bilan uzluksiz ravishda bog‘liq bо‘lgan xodimlar (mudira, hamshira, tarbiyachi va yordamchi tarbiyachi) shartnoma asosida ovqatlanadi.
31. Maktabgacha ta’lim muassasasi xodimlari alohida taomnoma bо‘yicha ovqatlanadilar.
32. Taomnomada ovqatlangan xodimlar soni, ular uchun sarflangan oziq-ovqat mahsulotlarining miqdori va qiymati kо‘rsatiladi.
Joriy oyda xodimlarning maktabgacha ta’lim muassasasi hisobiga ovqatlanishi uchun bir oylik tо‘lov miqdori oldingi oyda tuzilgan taomnoma bо‘yicha xodimlarga sarflangan oziq-ovqat mahsulotlarini ovqatlangan xodimlar о‘rtacha soniga bо‘lish orqali aniqlanadi.
33. Xodimlarning maktabgacha ta’lim muassasasida ovqatlanganligi uchun tо‘lovlar joriy oyning 10-kunidan kechiktirmay banklarga tо‘lanadi hamda tо‘lov tо‘langanligini tasdiqlovchi hujjat (kvitansiya) nusxasi maktabgacha ta’lim muassasasiga taqdim etiladi.
Xodimlarning maktabgacha ta’lim muassasasida ovqatlanganligi uchun tо‘langan mablag‘lar tuman (shahar) maktabgacha ta’lim bо‘limlari hisob-varaqlarida ulardan keyinchalik foydalanish uchun hisobga olinadi.
34. Xodimlarning maktabgacha ta’lim muassasasida ovqatlanganligi uchun tо‘lovlar miqdorini hisoblashda xodimning faqat ishda bо‘lgan kunlari e’tiborga olinadi.
Xodimning ishda bо‘lmagan kunlari uchun undirilgan tо‘lovlar keyingi oy uchun tо‘lov amalga oshirilayotganida hisobga olinadi.
35. Xodimlarning maktabgacha ta’lim muassasasida ovqatlanganligi uchun amalga oshirgan tо‘lovlari tо‘liq oziq-ovqat xarajatlariga yо‘naltiriladi.