Samarqand davlat chet tillar instituti I. Tuxtasinov, N. Isakulova, B. Kulmatov bolalar pedagogikasi

14-bob. Yakunlovchi qoidalar
70. Maktabgacha ta’lim tashkilotlarida siyosiy partiyalar va diniy muassasalarning tashkiliy tuzilmalari tashkil etilishiga va faoliyatiga yо‘l qо‘yilmaydi.
71. Xalqaro hamkorlik, pedagogik axborot va tajriba almashish, pedagog xodimlar amaliyotini о‘tkazish va malakasini oshirish belgilangan tartibda amalga oshiriladi.
3-ilova
Vazirlar Mahkamasining 2019 yil 13 maydagi 391-son qaroriga
2-ILOVA
Maktabgacha ta’lim tashkilotlaridagi qisqa muddatli guruhlar tо‘g‘risida
NIZOM
1-bob. Umumiy qoidalar
1. Ushbu Nizom maktabgacha ta’lim tashkilotlaridagi maktabgacha yoshdagi bolalar qisqa muddatli guruhlari maqsadlari, vazifalar va faoliyatini tashkil etish tartibini belgilaydi.
2. Qisqa muddatli guruhlar faoliyati maktabgacha ta’lim tashkilotlari ustavi bilan tartibga solinadi.
3. Qisqa muddatli guruhlar maktabgacha ta’lim tashkilotiga bormaydigan bolalarning tо‘laqonli kamol topishini ta’minlash, ularni tengdoshlari va kattalar davrasiga moslashtirish uchun mо‘ljallangan.
4. Davlat maktabgacha ta’lim muassasalarida tashkil etilgan qisqa muddatli guruhlarda bolalarning bо‘lishi uchun tо‘lov qonun hujjatlarida belgilangan miqdorlarda amalga oshiriladi.
5. Nodavlat maktabgacha ta’lim tashkilotlarida tashkil etilgan qisqa muddatli guruhlarda bolalarning bо‘lishi uchun tо‘lov muassis tomonidan belgilanadigan narxlar va tariflar bо‘yicha belgilanadi, bundan qonun hujjatlarida belgilangan hollar mustasno.
2-bob. Qisqa muddatli guruhlar maqsadlari va vazifalari
6. Qisqa muddatli guruhlar maqsadlari bolalarning maktabgacha ta’limga tо‘liq jalb etilishini va maktabgacha ta’lim tashkilotlariga bormaydigan bolalar maktabgacha ta’lim olishda teng imkoniyatlardan foydalanishini ta’minlashdan iborat.
7. Qisqa muddatli guruhlarning asosiy vazifalari quyidagilardan iborat:
bolaning jismoniy, aqliy va ma’naviy kamol topishini saqlash va mustahkamlash;
bolaning shaxsini shakllantirish, uning ijodiy qobiliyatlarini rivojlantirish, bolaning о‘ziga xos xususiyatlarini hisobga olib, uning ijtimoiy tajriba orttirishini ta’minlash;
bolaning yosh va о‘ziga xos imkoniyatlari, qobiliyatlari va ehtiyojlariga qarab har tomonlama kamol topishini ta’minlash;
bolani shakllantirishda, tarbiyalashda va о‘qitishda oilaga har tomonlama yordam berish;
bolalarning bilim orttirishini, ijtimoiy-shaxsiy, badiiy-estetik va jismoniy kamol topishini ta’minlash.