Samarqand davlat arxitektura qurilish instituti

Magnit kvant son (m_l) elektronning harakat traektoriyasini ifodalaydi. Orbitalning tashqi magnit maydoniga nisbatan joylashishiga qarab elektronning energiyasi har xil bo‘ladi. Elektronning magnit maydoni bilan ta’sirlashishi orqali belgilanadigan bu energiyasi ham keskin sakrash orqali o‘zgaradi. Buning oqibatida orbitallar fazoda ma’lum tartib bo‘yicha joylashadi. Masalan, p-orbitallar o‘zaro perpendikulyar joylashadi va p_x, p_y, p_z tarzida belgilanadi. Magnit kvant son l ning har bir qiymati uchun +l dan l gacha bo‘lgan barcha butun sonlarni (shu jumladan, nolni ham) qabul qiladi (1-ilova). Elektron harakat miqdorining orbital momentidan tashqari o‘zining xususiy harakat momenti miqdoriga ham ega. Bu harakat miqdori uning soat strelkasiga mos yoki teskari yo‘nalishdagi o‘z o‘qi atrofida aylanishi bilan bog‘liq. Bu harakat «spin» deb atalib, spin (urchuq) kvant son (m_s) bilan ifodalanadi. Har bir elektron uchun spin kvant son +1/2 va 1/2 tarzida ko’rsatiladi. Orbitalda bitta elektron joylashganda uning holati navbatma-navbat +1/2 va 1/2 qiymatlarga mos keladi. Kvant sonlar har bir elektron uchun alohida ko‘rsatiladi. Masalan, valent elektronlari 4s² bilan ifodalangan elementga n=4; 4; l=0; 0; m_e=0; 0; m_s=+1/2; -1/2 kvant sonlar to‘g‘ri keladi.

Narmal atomda elektronlarning joylashishi quyidagi tartibga bo’ysunadi. 1s<2s<2p<3s<3p<4s<3d<4p<5s<4d<5p<6s<4f<5d<6p<7s<6d<7p<……