Samarqand davlat arxitektura-qurilish instituti

Инновация (инновация, innovation) – Янги техника, технология, илмий тадқиқотларни ишлаб чиқиш учун маблағларни йўналтириш фаолияти.
Инновация банки (инновационный банк, innovations bank) – Тижорат банкининг кўриниши бўлиб, унинг асосий вазифаси - ишлаб чиқаришнинг техник даражасини ошириш, шунингдек, юксак самарали маҳсулотлар ишлаб чиқаришга қаратилган кашфиёт ва ихтироларни тадбиқ қилишни маблағ билан таъминлаш ва кредитлашдан иборат.
Интеграция (интеграция, integration) – 1) Турли бўлимлар, элементлар ҳаракатининг бир бутунга бирлашиш жараёни; 2) иқтисодий интеграция - иқтисодий субъект (давлат, корхона, фирма)ларнинг иқтисодий, технологик муносабатларнинг ўзаро боғлиқлиги ошиши натижасида вужудга келади.
Интенсив иқтисодий ўсиш (интенсивный экономический рост, intensive economic growth) – Ишлаб чиқариш омилларининг ривожланиб, улардан фойдаланиш самарадорлигини ошириш орқали маҳсулот ишлаб чиқариш ҳажмининг кўпайиб бориши.
Интенсив ривожланиш йўли (путь интенсивного развития, the intensive development way) – Интенсив жадаллик, тезлик билан ривожланиш йўли. Ишлаб чиқаришни тобора самаралироқ ишлаб чиқариш воситалари ва технологик жараёнларни қўллаш, меҳнатни ташкил этишнинг илғор методлари, фан-техника прогресси ютуқларидан фойдаланиш асосида ривожлантириш.
Инфляция (инфляция, inflation) – Лотинча “inflation” сўзидан олинган бўлиб, шиш, бўртиш, кўпчиш деган маънони англатади. Инфляция пулнинг қадрсизланиши, пул массасининг товар ва хизматлар массасидан устунлиги натижасида товар билан таъминланмаган пуллар пайдо бўлиши. Иқтисодиётда баҳоларнинг мунтазам ошиб бориш жараёни.
Инфляция даражаси (норма инфляции, rate of inflation) – Маълум вақт ичида (ой, йил) нарх даражасининг фоиздаги ўзгариши.
Инфраструктура (инфраструктура, infrastructure) – Такрор ишлаб чиқариш шартларини таъминловчи ишлаб чиқариш ва ноишлаб чиқариш тармоқлари комплекси: йўллар, алоқа, транспорт, маориф, соғлиқни сақлаш. Асосий ишлаб чиқариш инфраструктураси энерго-таъминот, транспорт ва алоқа тармоқларидир.
Ипотека банки (ипотечный банк, mortgage bank) – Кредит муассасаси бўлиб, у кўчмас мулкнинг гарови (ер, иншоот ва бошқалар) ҳисобига узоқ муддатли пул ссудалари беради, шунингдек гаровга қўйиладиган кўчмас мулкдан таъминланадиган гаров варақалари чиқаради.