Samarqand davlat arxitektura-qurilish instituti

ТАКРОРЛАШ УЧУН САВОЛЛАР.

1.Молиянинг тарифини келтиринг.

2.Давлат буюджети деганда нимани тушунасиз?
3.Солиқ турларини санаб беринг?
4.Молия сиёсатини тушунтириб беринг.
5.Пул муомаласи деганда нимани тушунасиз?
6.Инфлясияни тарифини келтиринг.
7.Пул-кредит тизимини тушунтириб беринг.
8.Марказий банк ва тижорат банклари ўртасидаги фарқларни келтиринг.


7-ИНВЕСТИТСИЯ ВА ИНВЕСТИТСИОН СИЁСАТ.
ИШЧИ КУЧИ БАНДЛИГИ ВА МЕХНАТ БОЗОРИ.
РЕЖА:
1. Инвестисиялар ва унинг даражасини белгиловчи омиллар
2. Жамғарма ва инвестисия ўртасидаги мувозанатни таъминлаш муаммолари
3. Иш ҳақининг иқтисодий мазмуни.
4-. Иш ҳақини ташкил этиш шакллари ва тизимлари.


1-Инвестисиялар ва унинг даражасини белгиловчи омиллар
Инвестисиялар – асосий ва айланма капитални қайта тиклаш ва кўпайтиришга, ишлаб чиқариш қувватларини кенгайтиришга қилинган сарфларнинг пул шаклидаги кўринишидир. У пул маблағлари, банк кредитлари, аксия ва бошқа қимматли қоғозлар кўринишида амалга оширилади. Пул маблағлари кўринишидаги инвестисия номинал инвестисия, ана шу пул маблағларига сотиб олиш мумкин бўлган инвестисион ресурслар реал инвестисия дейилади.
Инвестисияларни рўёбга чиқариш бўйича амалий ҳаракатлар - инвестисион фаолият, инвестисияларни амалга оширувчи шахс - инвестор дейилади.
Инвестисияларнинг манбаларидан бири бўлиб аҳоли кенг қатламларининг жамғармалари ҳисобланади. Шуни таъкидлаш лозимки, амалда жамғарма эгаси ва инвестор бир шахсда намоён бўлиши ва бўлмаслиги ҳам мумкин. Одатда, жамғарма жамиятдаги кўпчилик субектлар томонидан амалга оширилиб, улардан инвестисия сифатида фойдаланиш эса бутунлай бошқа субектлар томонидан амалга оширилиши мумкин. Шунингдек, иқтисодиётда фаолият юритувчи саноат, қишлоқ хўжалик ва бошқа корхоналар жамғармаси ҳам инвестисия манбаи бўлиб ҳисобланади. Бу ўринда «жамғарувчи» ва «инвестор» бир субектда мужассамлашади.
Инвестисия фаолияти қуйидаги манбалар ҳисобига амалга оширилиши мумкин:
- инвесторларнинг ўз молиявий ресурслари (фойда, амортизасия ажратмалари, пул жамғармалари ва ҳ.к.);
- қарз олинган молиявий маблағлар (облигасия заёмлари, банк кредитлари);
- жалб қилинган молиявий маблағлар (аксияларни сотишдан олинган маблағлар, жисмоний ва ҳуқуқий шахсларнинг пай ва бошқа тўловлари);
- давлат бюджети маблағлари;
- чет элликлар маблағлари.