Samarqand davlat arxitektura-qurilish instituti akademik litseyida

KUN TARTIBI

Kirish so‘zi: Kafedra mudiri B. Boboyev

Ma’ruzachi: Samarqand davlat arxitektura–qurilish instituti “Oliy matematika” kafedrasi o’qituvchisi S.Gadayev. Mavzu: “Logarifmik tenglama va tengsizliklar”.

Eshitildi: Tadbirni kirish so‘zi bilan kafedra mudiri B. Boboyev ochib berdi va SamDAQI “Oliy matematika” kafedrasi o’qituvchisi S.Gadayevni litsey jamoasiga tanishtirib o‘tdi.

Shundan so‘ng “Oliy matematika” kafedrasi o’qituvchisi S.Gadayev ishtirokida “Logarifmik tenglama va tengsizliklar” mavzusida qiziqarli ma’ruza qildi. Ma’ruzada logarifmlarning tatbiqlari, xossalari, tenglamaning ildizlarini formulalari orqali sodda topish mumkinligi tushuntirildi. Logarifmlarning xossalariga oid misollar ko’rsatildi. Logarimfik tenglama va tengsizliklarga doir misollar bajarildi. Logarifm xossalarini tenglama va tengsizliklarda qo‘llashda foydalaniladigan asosiy belgilashlarni haqida qisqacha tushuntirish berdi. Har bir usul bo‘yicha namunaviy misollar keltirib, yechilishini ko‘rsatib o‘tdi. Mavzuni o’rgatish jarayonida asosan tayyorlab kelingan tarqatma materiallardan va DTM testlaridagi logarifmik tenglamalar va tengsizliklar qo’llaniladigan test materiallaridan namunalar ko’rsatildi.

Ma’ruzachi ma’ruza davomida o‘quvchilarga tenglamalarning yechimlarini qaysi holda topish mumkinligi va topib bo’lmasligi haqida tushunchalar berilib, misollar ko’rsatildi.

Shuningdek S.Gadayev o‘quvchilarga Oliy ta’lim muassasalarida bu mavzular integratsiyalashgani va kengroq o’rgatilishi haqida ma’lumotlar berildi. Qabul jarayoni va qabul jarayonidagi ayrim o‘zgarishlar haqida so‘zlab o‘tib, Samarqand davlat arxitektura-qurilish instituti qabul jarayoni, mutaxassisliklar, 2020-2021 o‘quv yilidagi o‘tish ballari, 2021-2022 o’quv yilidagi fanlar blokidagi ayrim o‘zgarishlar to‘g‘risida ma’lumotlar berib o‘tdi.

Shundan so‘ng tadbir ishtirokchilari S.Gadayevga o‘zlari qiziqtirgan savollar berib, bu savollarga to‘liq va yetarlicha javoblar olishdi.