Самарқанлд давлат университети география ва экология факулътети “ экология ва ҳаёт фаолияти хавфсизлиги” кафедраси

Номенклатура - муайян белги, хусусиятига кўра системага солинган ном ва сўзлар рўйхатидир.
Ноксосфера - ҳар доим ва даврий равишда содир бўлиб турадиган хавфли жойи.
Офат – одатдаги ҳаёт тарзининг кескин бузилиши, одамларнинг муҳофазага, кийим-бошга, тиббий ва ижтимоий ёрдамга муҳтож бўлишига олиб келадиган ҳалокатли вазият.
Портлаш – оқибатида техноген фавқулодда вазият содир бўлишига олиб келиши мумкин бўлган ёки олиб келадиган зарб тўлқини ҳосил бўладиган ва тарқаладиган, чекланган ҳажмдаги катта миқдордаги энергиянинг ажралиб чиқиши ҳамроҳлик қилувчи физик ва кимёвий айланишларнинг тез кечувчи жараёни.
Руҳий тайёргарлик - бу одамларда руҳан чидамлиликни шакллантириш ёки қўйилган вазифаларни бажариш, хавфли вазиятларда фидокорона ҳаракат қилиш қобилиятини кучайтиришдаги хислатларини ҳосил қилиш демакдир.
Сел - тоғ дарёлари ўзанларида тўсатдан юзага келувчи катта ҳажмдаги тоғ жинслари бўлаклари, харсанглар ва сув аралашмасидан иборат вақтинчалик шиддатли оқим.
Сув тошқини - қор эриши, жала (кучли ёмғир), сувнинг шамол ёрдамида ҳайдаб келиниши, муз бўлакларининг тиқилиши ва бошқа ҳолатларда дарё, кўл ёки денгиз сувлари сатҳининг кескин кўтарилиши оқибатида қуруқликнинг анчагина қисмини сув остида қолиши.
Сув кўтарилиши - сув сатҳининг қисқа муддатда жадал кўтарилиши. Кучли жала, айрим ҳолларда қор эришидан пайдо бўлади.
Табиий офат – одамларнинг ҳаёти ва соғлиғига таҳдид туғилиши мумкин бўлган ёки туғилган, шунингдек моддий бойликлар ва атроф табиий муҳитнинг таркибий қисмлари вайрон бўлиши ёки йўқ қилиниши мумкин бўлган, катта кўламда вайроналик келтирувчи табиий ёки табиий-антропоген ҳодиса.
Таксономия - мураккаб ҳодисаларни, жараёнларни, тушунчаларни ёки обектларни бир системага солиш ҳақидаги фандир.
Техника хавфсизлиги - ишловчиларга ишлаб чиқаришда техника хавфсизлигини, унинг олдини оладиган ташкилий чора-тадбирлар ва техника воситалари тизими.
Тўфон, бўрон - тезлиги 20 м/с дан ортиқ ва узоқ давом этувчи кучли шамол. У циклон даврида кузатилади ва денгизда катта тўлқинларни, қуруқликда эса вайроналикларни келтириб чиқаради.