Самарқанд вилоятининг Самарқанд шаҳри ва Самарқанд тумани чегараларини ўзгартириш тўғрисида

O‘zbekiston futbol bo‘yicha U-19 Osiyo chempionatiga mezbonlik qiladi

O‘zbekiston 2020-yili bo‘lib o‘tadigan 19 yoshgacha bo‘lgan futbolchilar o‘rtasidagi Osiyo chempionatining final bosqichiga mezbonlik qiladi.
17-sentabr, seshanba kuni Kuala Lumpurda OFK Musobaqalar qo‘mitasining yig‘ilishi o‘tkazildi. Mazkur yig‘ilishda U-19 Osiyo chempionati bahslarini qabul qilish uchun ariza bergan mamlakatlar ichida O‘zbekiston nomzodi ma’qullandi.
Shuningdek, U-16 Osiyo chempionatining mezbonlik huquqi Bahraynga berilgan.
Ma’lumot uchun, U-19 Osiyo chempionati bahslari taqvimga ko‘ra, 2020-yilning 14—31-oktabr kunlari bo‘lib o‘tadi.
Eslatib o‘tamiz, 16-sentabr, dushanba kuni O‘zbekiston Prezidenti Shavkat Mirziyoyev Osiyo futbol konfederatsiyasi rahbari Shayx Salmon bin Ibrohim al-Xalifa bilan uchrashgandi.

Yakkabog‘da yoqib yuborilgan “snos”lar bo‘yicha hokim o‘rinbosari va uni yoqmoqchi bo‘lgan tadbirkor ustidan sud boshlandi

Jinoyat ishlari bo‘yicha Chiroqchi tuman sudida 17-sentabr kuni Yakkabog‘ tuman hokimining sanoatni rivojlantirish, kapital qurilish, kommunikatsiyalar va kommunal xo‘jalik masalalari bo‘yicha o‘rinbosari vazifasida ishlagan Mansur Tuymayev va binosi “snos”ga tushgan tadbirkor Bahriddin Isamovga nisbatan ochiq sud boshlandi. Bu haqda Oliy sud matbuot xizmati “Daryo”ga ma’lum qildi.
Tadbirkor Bahridin Isamov Jinoyat kodeksining 25, 98-moddasi (kuchli ruhiy hayajonlanish holatida qasddan odam o‘ldirishga suiqasd qilish)da nazarda tutilgan jinoyatni sodir etganlikda ayblanmoqda.Shuningdek, Mansur Tuymayev Jinoyat kodeksining 192-1-moddasi (xususiy mulk huquqini buzish) 3-qismi “a” bandi va 206-moddasi (hokimiyat yoki mansab vakolati doirasidan chetga chiqish) 2-qismi “a” bandida nazarda tutilgan jinoyatlarni sodir etganlikda ayblanmoqda.

O‘zbekistonlik ikki nafar kurashchi Tokio—2020 Olimpiadasiga yo‘llanmani qo‘lga kiritdi

Qozog‘iston poytaxti Nur-Sulton shahrida 17-sentabr, seshanba kuni sport kurashlari bo‘yicha Jahon chempionatining to‘rtinchi kuni davom etmoqda.
Bugungi bahslarda O‘zbekiston terma jamoasining ikki vakilli Tokio—2020 Olimpiadasiga litsenziya qo‘lga kiritdi.
Rio Olimpiadasi sovrindori Elmurot Tasmurodov (-60 kg) yunon-rim kurashida uchinchi o‘rin uchun bahsda moldovalik Viktor Siobanuga qarshi gilamga chiqdi. Ushbu bellashuvda g‘olib chiqqan Tasmurodov bronza medali uchun gilamga chiqish imkoniyati bilan birga, Tokio Olimpiadasi yo‘llanmasiga ham ega chiqdi.
Klassik kurash bo‘yicha -77 kilogramm vazn toifasida harakat qilgan Jalgasbay Berdimuratov esa ukrainalik va litvalik raqiblarini mag‘lub etgan holda yarim finalga chiqdi. Bu Berdimuratovga Olimpiada yo‘llanmasini taqdim etdi. O‘zbekistonlik kurashchi kechki dasturda qozog‘istonlik Asxat Dilmuhammedovga qarshi bronza medali uchun gilamga chiqadi.
Shu tariqa Tokio Olimpiadasiga yo‘llanma olgan o‘zbekistonlik sportchilar soni yettitaga yetdi.