Самарқанд вилоят Ҳокимлиги самарқанд давлат университети

3. Тупроқдаги симқурт, кемирувчи қурт, илдизқирқар тунламалар, чумолиларга қарши Диазин -10% гранула экиш даврида 1сотих тупроқга 125 грамм дори сепилади.
Картошка касалликлари
Касалликлар фузариоз сўлиш, альтернариоз, қўтир (парша).
1. Олдини олиш тадбирлари. Картошка гуллашдан олдин бир марта, гулдан чиққандан кейин яна бир марта 1% ли бордос суюқлиги билан ишлов берилади.
2. Кимёвий қарши кураш. Ўсув даврида ўсимлик барг юзасининг 10% да касаллик аломатлари сезилганда ҳар 20 кунда 2 марта пуркалади. Альтернариоз касаллигида баргларда қуруқ қўнғир рангли юмалоқ доғлар пайдо бўлади. Фузариоз сўлиш касаллигида ўсимлик далада сўлиб қолади, пояси кесиб кўрилганда поя ичи қўнғирлашганлиги кўринади. Қуйидаги дорилардан биронтаси билан:
Импульс-25% сус.к. 1 литри 150 минг сўм. 10 литр сувга 8 мл дори қўшилади. Вакомил-МЗ 72%. 20литр сувга 50 грамм. 1литри 150 минг сўм. АКРОБАТ МЦ 690 г/кг, с.д.г. Сарф меъёри 2,0 кг/га. Картошка гуллашдан олдин бир марта, гулдан чиққандан кейин яна бир марта арзон ва кам заҳарли бўлган 1% ли бордос суюқлиги билан ишлов берилади. Фитофтороз ва альтернариоз касалликларига қарши ўсимликнинг ўсув даврида икки марта пуркалади. Ҳосил йиғиштиришга 30 кун қолганда дорилаш тўхтатилади.
Пиёз ва саримсоқ пиёз зараркунандалари
Пиёз ва саримсоқпиёзга тамаки трипси, пиёз пашшаси (Деҳқонлар пиёз қурти ёки чеснок қурти дейди) каби зараркунандалар зарар етказади.
1. Олдини олиш тадбирлари. Экин майдонлари ўсимлик қолдиқларидан тозаланади, ер чуқур ағдарилади ва қишки чиллада яхоб суви бериб тупроқ музлатилиши керак.
2. Кимёвий кураш. Пиёз ва саримсоқпиёз баргларида қуртлар томонидан кемирилган жойлар пайдо бўлганда, барг ёнларида майда қуртлар кўрина бошлаганда ҳар 20 кунда 2-3 марта ишлов берилади. Кўкат пиёз ва кўкат саримсоққа кимёвий ишлов бериш мумкин эмас.
Қуйидаги дориларнинг биронтаси билан: Айкидо -5% ли эм.к. 1 литри 75минг сўм. 10 литр сувга 35 мл дори қўшилади; Цихлорос-55% эм.к. 1 литри 150 минг сўм. 10 литр сувга 4-5 мл дори қўшилади; Каратнур 7% эм.к. Сарф меъёри - 0,2-0,3 га/л. Шираларга қарши, ўсимликнинг ўсув даврида 1 марта пуркалади; Фосметрин, 44% эм.к. Трипслар ва пиёз пашшасиги қарши, ўсимликнинг ўсув даврида 1 марта пуркалади; Ридомил голд МЦ 68% с.д.г. ўсимликнинг ўсув даврида касалликнинг ривожланишига қараб 2 марта ҳар 15-20 кунда пуркалади. 10 литр сувга – 50 грамм қўшилади. Нархи 1 кг 200 минг сўм; Бундан ташқари қуйидаги дориларнинг биронтаси томорқа хўжаликларида 10 литрли пуркагичларда Циракс 15 гр, БИ-58 (янги) 15-30 гр, Децис 10 гр, Данадим эксперт 15-30 гр сарфланиши ва тайёр бўлган 10 литр ишчи эритма 3 сотих экин майдонига етказилиши лозим.