Самарқанд иқтисодиёт ва сервис институти

Нормал ривожланган оёқ товон-панжа
юзаси сатҳининг кўпроқ қисми 
ўйиқроқ (чуқурроқ), озроқ қисми гумбаз шаклида бўлади. Бундай тузилиши 
тана оғирлигининг оёқни товон ва кафт қисмларига баравар тақсимланишини 
таъминлайди. 
Яссиоёқликда товон-кафт юзасининг (гумбаз қисми) кенгайиб, ўйиқ 
(чуқур) қисмининг сатҳи камаяди, баъзида эса оёқ юзасининг бутун сатҳининг 
гумбаз қисми егилиб, текис бўлиб қолади. Натижада товон-кафтнинг рессорлик 
вазифаси бузилади ва қуйидаги белгилар юзага келади: бундай одам узоқ вақт 
тик турганда, кўпроқ юрганда, югурганда, оғир юк кўтарганда оёғининг товон-
панжа ва болдир мускулларида оғриқ пайдо бўлади; яссиоёқли умуртқа 
поғонаси ва чаноқ суякларининг эгриланишига ва қадқоматнинг бузилишига 
ҳам сабаб бўлади. Чунки бундай одам танасини тик ва тўғри тута олмайди. 
Яссиоёқлик одамлар юрганида оёқларини кенг ташлаб, қўлларини ён 
томонларга силкитиб, лапанглаб юради, чунки юрган вақтда танасининг 
оғирлиги оёқ юзасига баравар тақсимланмаслиги натижасида товон-кафт 
мускуллари тез чарчайди ва уларда оғриқ сезилади. Бундай одамлар кўпроқ тик 
турганида ва юрганида оёғининг кафт юзаси яна кенгаяди ва эрталаб мос 
бўлган поябзал куннинг иккинчи ярмида оёқни қиса бошлайди. 
Яссиоёқлик тананинг массаси кўпроқ товон-кафтнинг ички томонига 
тушади. Шунинг учун бундай одамларнинг поябзали ички томонга қийшайиб, у 
тезда яроқсиз ҳолга келиб қолади. 
Яссиоёқлик туғма ва ҳаётда орттирилган бўлади. Туғма бўлиши бу 
наслдан наслга берилиши ёки боланинг ембрион ривожланиши даврида она 
организмига ташқи муҳитнинг бирон ноқулай таъсири натижасида содир 
бўлиши мумкин. 
Яссиоёқликнинг туғилгандан кейин юзага келиш сабаблари қуйида-
гилардан иборат: 

Болани жуда ёшлигидан (8-10 ойлигидан) бошлаб юргизиш ва уни 
узоқ вақт оёғида тик турғизиш; 

Ёш болага пошнасиз юмшоқ поябзал кийгизиш; 

Ўқувчилар кун бўйи пошнасиз спорт поябзалида юриши (спрот 
поябзалини фақат машғулот вақтида кийиш керак); 

Пошнаси баланд, уч томони тор, орқа томони кенг бўлган поябзал-
ларни кийиш; 

---

143 

Оғир юк кўтариш ҳам яссиоёқлик юзага келишига сабаб бўлади. 
Ана шуларни ҳисобга олиб. яссиоёқликнинг олдини олишга эътибор 
бериш керак.