Самарқанд иқтисодиёт ва сервис институти

5. Мактабгача ёш даври.
Бу давр 3 ёшдан то 7 ёшгача давом этади. Ушбу 
даврда билиш жараёнлари (хотира, тафаккур, ижодий фикрлашга ҳаракат) 
жадал ривожланади, скелет суякларининг қотиши ва суяк-мушак тизимининг 
мустаҳкамланиши жадал содир бўлади, боланинг ҳаракатлари анча турли-туман 
ва координацияланган ҳолда содир бўлади, янги туғилган даврдагига нисбатан 
мушакларнинг кучи 4-5 маротаба ошади ва юрак фаолияти сэзиларли даражада 
яхшиланади, миясининг оғирлиги катталашади ва 7 яшар болада 1250 граммни 
ташкил қилади, шартли рефлекторли алоқалар кўп сонли бўлади, шартли 
тормозланиш ривожланади. 
Мактабгача ёшдаги болалар бўйига бир текисда ўсмайди. Аввалига йилига 
4-6 см, 6-7 ёшда 7-10 см гача ўсади ва буни бўйининг биринчи физиологик 
чўзилиш даври деб аталади. 
Болаларнинг вазни ҳам бир хилда кўпаймайди. 4 ёшли боланинг оғирлиги 
қарийб 1,6 кг га кўпаяди, 5 ёшда 2 кг га яқин, 6 ёшга бориб 2,5 кг, яъни ўртача 
ҳисобда йилига 2 кг га кўпаяди. 6-7 ёшга бориб, боланинг оғирлиги 1 яшар-
лигидагига нисбатан 2 баравар ошиши керак. Бу ёшда тери тобора қалин-
лашади, эластиклашади, унда қон-томирлар сони камаяди, у механик 
таъсирларга анчагина чидамли бўлиб қолади. 6-7 ёшгача бўлган болалар тери-
сининг сирти 1 кг вазнга нисбатан ҳисобланганда катталарникига қараганда 
кўпроқ бўлади, шу сабабли улар салга иссиқлаб кетиши ёки совуқ қотиши 
мумкин. 
6. Кичик мактаб ёши даври.
Бу давр 7 ёшдан то 12 ёшгача давом этади. 

---

38 
Ушбу даврда ўсиш ва скелет суякларининг қотиши давом этади, оёқларнинг 
ўсиши ҳисобига тана пропорциялари ўзгаради, мушаклар жадал ривожланади, 
катта ярим шарлар пўстлоғининг интеграцияловчи роли ортади, тормозланиш 
жараёнлари кучаяди. Жигар, буйраклар, ўпка, юрак ва бошқа аъзолар ҳамда 
тўқималарнинг структуравий ва функционал диференциялашуви якунига этади. 
Тимус безини қайта ривожланиши бошланади. Қалқонсимон без ва гипофиз-
нинг функцияси кучаяди. Жинсий безларнинг гормонал таъсири бошланади.