Самарқанд иқтисодиёт ва сервис институти

2.2. МАЛАКАВИЙ АМАЛИЁТНИНГ МАЗМУНИ ВА ТАРКИБИ

Малакавий амалиёти кафедрада белгиланган амалиёт раҳбари томонидан ишлаб чиқилган, кафедра мудири тасдиқлаган календарь иш режаси асосида амалга оширилади. Амалиёт раҳбари ҳар бир амалиётга чиқувчи талабага ва у бораётган амалиёт объектига индивидуал тарзда ёндошиши зарур. Шунингдек,“Талабанинг календар иш режаси” аниқ, мақсадли ва натижага йўналтирилган бўлиши лозим. Намунавий график чизмаси қуйида келтирилган:

Ҳафта	Амалиётнинг намунавий мазмуни
1-Ҳафта	Амалиёт объекти билан танишиш. Ташкилотнинг ҳуқуқий асоси билан танишиш. Амалиёт объектини ташкилий жиҳатдан ўрганиш.
2-Ҳафта	Мутахассис кадрлар тайёрлаш масаласига қаратилган Ўзбекистон Республикаси Президентининг ва Ўзбекистон Республикаси Вазирлар маҳкамаси қарорларини ўрнаниш.
3-Ҳафта	“Таълим тўғрисида”ги ва “Кадрлар тайёрлаш миллий дастури тўғрисида” ги Ўзбекистон Республикаси қонунларини ўрнаниш.
4-Ҳафта	Амалиёт объектига зарур бўлган кадрлар малакаси тўғрисида маълумотларга эга бўлиш.
5-Ҳафта	Амалиёт объектининг миллий иқтисодиётдаги ўрни, бажарадиган функцияси, мақсади ва фаолиятининг моҳиятини ўрганиш.
6-Ҳафта	Амалиёт объектининг ҳар бир бўлимининг бажарадиган вазифалари ва кўрсатадиган хизматини ўрганиш.
7-Ҳафта	Амалиёт ўтаётган ташкилотнинг ҳар бир бўлимида маълум бир лавозимнинг функционал вазифалари билан танишади.
8-Ҳафта	Амалиёт ўтаётган ташкилотнинг ҳар бир бўлимида маълум бир лавозимнинг функционал вазифаларини бажаришда ходимга ёрдамчи вазифасини бажариш.
9-Ҳафта	Малакавий амалиёт хисоботини ёзиш учун маълумотларни тўплаш.
10- Ҳафта	Малакавий амалиёт хисоботини тайёрлаш ва раҳбарига текширтириши керак.