Самарқанд давлат университети ҳузуридаги педагог кадрларни қайта тайёрлаш ва уларнинг малакасини ошириш минтақавий маркази

Модулни ўзлаштиришга қўйиладиган талаблар
«Таълим сифати менежменти» модулини ўзлаштириш жараёнида амалга ошириладиган масалалар доирасида тингловчилар:

• 
  Умумий сифат менежменти тушунчаси, унсурлари, асосий ғояси ва тамойиллари, таълим сифати тушунчаси, тавсифлари, бошқариш функциялари ва босқичларини билишлари лозим;
  
• 
  олий таълим тизимининг сифатига таъсир этувчи омилларни ва ўқув жараёнининг сифати таҳлил этиш йўлларини билиши керак.
  
• 
  Профессор-ўқитувчиларнинг педагогик маҳорати ва илмий салоҳиятини баҳолаш мезонлари ҳамда олий таълим муассасасида моддий-техник таъминоти сифатини таҳлил қилиш кўникмаларига эга бўлиши зарур.
  
• 
  Олий таълим муассасасининг сифат сиёсати, таълим маркетинги хизматлари сифати, битирувчиларнинг сифатини таҳлил қилиш кўникмаларига эга бўлиши зарур.
  
• 
  Олий таълим сифатини баҳолашнинг асосий йўналишлари, олий таълим муассасаларининг рейтинги, факультет ва кафедралар даражасида сифат менежментини билиши керак.
  
• 
  Таълимдаги инновацион технологиялар, олий таълим муассасасида ўқув-услубий фаолиятни модернизациялашнинг асосий йўналишларини билиши лозим.
  
• 
  Инновацион таълим технологияларини ўқув жараёнига тадбиқ этиш, халқаро ҳамкорлик ва хориж тажрибаси, профессор-ўқитувчиларнинг ахборот-коммуникация технологиялари, чет тиллар ва педагогик технологиялар бўйича саводхонлиги даражаларини билиши ва баҳолай олиш кўникмаларига эга бўлиши керак.
  
• 
  Олий таълимнинг электрон ахборот-ресурслари ва замонавий ўқув адабиётлари билан таъминотини билиши ва бойитишга ҳисса қўша олиши керак.
  

Модулнинг ўқув режадаги бошқа модуллар билан боғлиқлиги ва узвийлиги
Фан мазмуни ўқув режадаги барча фанлар билан улардаги педагогик фаолиятга инновацияларни жорий этиш ва таълимни модернизациялаш нуқтаи-назаридан узвий боғланган ҳолда педагогларнинг мутахассислик фанлари бўйича касбий махорати ва кўникмаларини оширишга, сифат кўрсаткичларини яхшилашга, тингловчиларнинг касбий педагогик тайёргарлик даражасини орттиришга хизмат қилади.