Самарқанд давлат университети ҳузуридаги илмий даражалар берувчи

Тадқиқот предмети ўрта махсус ва профессионал таълим муассасалари ҳамда академик лицейлар ўқувчи-ёшларида дахлдорлик фазилатини ривожлантириш шакллари, метод, восита ва йўллари.
Тадқиқотнинг усуллари. Тадқиқот жараёнида турли соҳа олимларининг мавзуга оид илмий-методик тадқиқот ишларини ўрганиш, таҳлил қилиш, педагог кузатув, семинар-тренинг, сўров, суҳбат, анкета, тест, интервью, математик-статистик таҳлил ва тажриба-синов натижаларини умумлаштириш усулларидан фойдаланилди.
Тадқиқотнинг илмий янгилиги қуйидагилардан иборат:
ўсмирларнинг ислоҳотларга дахлдорлик тўғрисидаги назарий билимларини такомиллаштиришга, амалиётда қўллашга йўналтирилган витаген технологик усуллари очиб берилган;
ёшларда дахлдорлик фазилатининг шаклланишига салбий таъсир этадиган лоқайдлик, дауншифтинг, эскапизм ва бошқа иллатларнинг олдини олишга қаратилган профилактик методика асосланган;
ўсмирларнинг юртимизда олиб борилаётган ўзгариш ва янгиланишларга дахлдорлик фазилатини шакллантиришга қаратилган “Ислоҳотлар билимдони” кўрик танловининг меъёрий-ҳуқуқий асослари ишлаб чиқилиб;
ўсмирларда ислоҳотларга дахлдорлик фазилатининг миллий ғоянинг умуминсоний негизлари асосида очиб берилган педагогик индикаторлар такомиллаштирилган.
Тадқиқотнинг амалий натижалари қуйидагилардан иборат:
ўрта махсус профессионал таълим муассасалари мисолида ўсмирларда дахлдорлик фазилатини ривожлантиришнинг назарий асослари ва технологик тизими такомиллаштирилган;
оила, маҳалла ва таълим муассасасининг ўқувчи-ёшларда дахлдорлик фазилатини ривожлантиришга қаратилган ҳамкорлик самарадорлигини ошириш дастурлари яратилган ва амалда фойдаланилмоқда;
лоқайдлик ва бепарволик иллати юқори даражада бўлган ўсмирлар маънавиятини педагогик коррекциялаш усуллари ишлаб чиқилган ва “Бир таҳдидга беш зарба”, “Ижтимоий-педагогик таҳлил”, “Видеотека”, “Ибрат маърифати”, “Дахлдорлар суҳбати” ва “Кинолекторий” номли ижтимоий-маърифий лойиҳалар орқали жорий қилинган;
лоқайдлик, бефарқлик, ўзибўларчилик ва бепарволик иллатларига қарши педагогик-профилактика усуллари ишлаб чиқилган.