Salimjon buriyev, dildora maxkamova, vafabay sherimbetov ekologiya va atrof muhit muhofazasi

Texnologik  tadbirlar.
  Atmosfera  havosini  muhofaza  qilishda  texnologik 
tadbirlar  muhim  ahamiyatga  ega.  Ko‘riladigan  tadbirlar  asosida  tashqi  muhit 
obyektlariga,  jumladan,  havoga  tashlanadigan  chiqindilar  miqdorini  kamaytirish 
yoki  umuman  to‘xtatish  zarur.  Buning  uchun  sanoat  korxonalaridagi  texnologik 
jarayonlarni 
takomillashtirish, 
hatto 
chiqindisiz 
yoki 
kam 
chiqindili 
texnologiyalarni  joriy  etish  mumkin.  Bunday  texnologiyalar  mutloq  berk 
jarayonlar bo‘lib, unda chiqindilar umuman bo‘lmaydi. CHiqindi moddalar boshqa 
mahsulotlarni  ishlab  chiqarish  uchun  xom  ashyo  vazifasini  bajaradi.  Chiqindisiz 
yoki  kam  chiqindili  ishlab  chiqarish  jarayonlarini  tashkil  etishda  xom  ashyo 
tayyorlash, mavjud materiallardan to‘la foydalanish, ularni chiqindi sifatida tashqi 
muhitga tashlamaslik chora -tadbirlari ko‘riladi. 
Birlashgan Millatlar Tashkiloti tomonidan kam chiqindili hamda chiqindisiz 
sanoat  korxonalarini  tashkil  qilish  to‘g‘risida  maxsus  deklaratsiya  qabul  qilingan. 
Bu hujjat asosida BMT Yevropa iqtisodiy hay'atining chiqindisiz va kam chiqindili 
korxonalarni tashkil qilish faoliyatida ko‘p mamlakatlar qatnashmoqda.