Salimjon buriyev, dildora maxkamova, vafabay sherimbetov ekologiya va atrof muhit muhofazasi

“Issiqxona  samarasi”
  hodisasining  mohiyati  quyidagichadadir.  Atmosfera 
tiniq  plyonkaga  o‘xshab  Quyoshning  qisqa  to‘lqinli  nurlar  (ƛ  =  0,4  –  1,5  mkm) 
ning  katta  qismini  Yer  yuzasiga  o‘tqazadi.  Lekin,  shu  plyonka  Quyoshning  uzun 
to‘lqinli  nurlari  (ƛ  =  7,8  –  28  mkm)  uchun  kam  o‘tkazuvchidir.  Atmosferada 
shunday yarim o‘tkazuvchi plyonka rolini suv bug‘lari va issiqxona gazlari o‘taydi. 
Ular  uglerod  dioksid,  azot  oksidlari,  ftorxloruglevodorodlar      (freonlar),      metan   
va   boshqalardir.   Bu gazlar miqdorining    ortishi    natijasida    yer    yuzasidan    
issiq  nurlarning  kosmosga  qaytishi  kamayadi  va  havoning  harorati  ko‘tariladi. 
Hozirgi vaqtda karbonat angidridning havodagi miqdori 0,0394 % ni tashkil kiladi. 
Agar  uning  miqdori  2025  yilda  kutilayotgandek 0,04  –  0,045 %  yetsa,   havoning  
harorati  1,0  –  1,5  °C    ga      ko‘tariladi.        Bunday        isish  iqlimning        global    
o‘zgarishiga        olib          keladi,          bu        esa        Arktika          va  Antarktikadagi      
muzliklarning      erishiga,      Dunyo       okeani       satxining ko‘tarilishiga,  iqlim  
poyaslarining   mintaqaviy  ko‘chishiga  olib kelishi mumkin.   Bu o‘zgarishlarning 
barchasi biosferaning tuzilishi va tarkibiga jiddiy ta’sir qiladi.