Salimjon buriyev, dildora maxkamova, vafabay sherimbetov ekologiya va atrof muhit muhofazasi

3.
 
O‘rmon  -  meliorativ  tadbirlar. 
Bu  guruhga  tuproqlarni  eroziya  va 
deflyatsiyadan  himoyalovchi  o‘rmonzorlarni  saqlab  qolish  va  yangidan  barpo 
etish,  jarliklarning  kengayishini  oldini  oluvchi  daraxtzorlarni  vujudga  keltirish, 
shamolga  qarshi  ixotazorlar  barpo  etish,  qumliklarni  ko‘chishdan  saqlovchi  va 
mustahkamlovchi  o‘simlik  qoplamini  shakllantirish,  suv  havzalarini  himoyalovchi 
daraxtzorlarni  barpo  etish  va  boshqa  shu  kabi  tadbirlar  kiradi.  Tuproqlarni 
deflyatsiyadan  himoyalashda  ixota  daraxtlarning  ahamiyati  kattadir.  Ularning 
shamoldan himoyalovchi ta’siri daraxt turi va balandligi, zichligi hamda tuproqning 
xususiyatlariga  qarab  400  metrgacha  yetishi  mumkin.  O‘zbekiston  sharoitida 
balandligi  6-8  metrga  yetgan  ixotazor  60-250  metrgacha  masofadagi  tuproqni 
shamoldan saqlay oladi. 
Qumliklarni  shamol  ta’sirida  ko‘chishidan  saqlashda  fitomelioratsiya,  ya’ni 
shuvoq,  yulg‘un,  qum  qiyog‘i  va  boshqa  cho‘l  o‘simliklardan  tashkil  topgan 
mustahkam  o‘simlik  qoplamini  vujudga  keltirish  hamda  saksovul,  qandim, 
quyonsuyak  kabi  cho‘l  butalaridan  o‘rmonzorlar  barpo  etish  yaxshi  samara 
beradi.