Salimjon buriyev, dildora maxkamova, vafabay sherimbetov ekologiya va atrof muhit muhofazasi

9.3. Suvlarni tozalash.
 
Oqava  suvlarni  tozalashning  bir  necha  usullari  mavjud  va  ular  turlicha 
tavsiflanadi.  Oqava suvlarni tozalash usullarini destruktiv va regenerativ tozalash 
uslublariga bo‘lish mumkin.  
Destruktiv  uslubda  oqava  suvlarni  tozalashda  oksidlash  va  cho‘ktirish 
yordamida oqava suvlar tozalanadi. 
Regenerativ  uslubda  tozalanganda  esa  oqava  suv  tarkibidagi  modda  va 
birikmalar ajratib olinadi va utilizatsiya qilinadi. 
Oqava  suvlarni  turli  xil  chiqindilardan  tozalashda  qo‘llaniladigan  usul, 
ishlatiladigan  jihoz  va  qurilmalarni  tanlashda  tozalash  qurilmasining  zamonaviy 
texnologiyaga  mutanosibligini  va  tozalash  qurilmasining  foydali  ish  ko‘rsatkichi 
darajasini e’tiborga olish muhimdir. Chunki suvni chiqindilardan tozalashda uning 
fizik-kimyoviy hossalarini, sifat va miqdor ko‘rsatkichlarini va tozalash qurilmasi 
ishlaganda oqava suvlar sarfini bilish muhim ahamiyatga ega. 
Oqava suvlarni tozalashning 3 xil usuli mavjud: 
1. Mexanik tozalash;  
2. Kimyoviy tozalash; 
3. Biologik tozalash.