Salimjon buriyev, dildora maxkamova, vafabay sherimbetov ekologiya va atrof muhit muhofazasi

9.2. Suv resurslarining ifloslanishi. 
Biosferadagi turli jarayonlar va ularga ta’sir etuvchi ekologik omillar uning 
asosiy  tarkibiy  qismlari  bo‘lgan  havoga,  suvga,  tuproqqa,  o‘simlik  va  hayvonot 
dunyosiga turli darajadagi salbiy ta’sir ko‘rsatiladi. Suv tarkibida zararli modda va 
birikmalarning  konsentratsiyasi  haddan  ziyod  ko‘payganda  suv  va  tuproqning 
o‘zini  o‘zi  tozalash  imkoniyati  ularning  zararsizlanishini  ta’minlay  olmaydi. 
CHunki suv va tuproqning o‘zini tozalash imkoniyati chegaralangan bo‘lib, ularni 
me’yorsiz  va  nazoratsiz  ifloslantirish  mumkin  emas.  1  m
3
  tozalanmagan  oqova 
suvni aralashtirib yaroqli suvga aylantirish uchun 20 - 30 m
3
 toza suv zarur bo‘ladi. 
Suv  muhitiga  doimo  Yerni  ichki  va  tashqi  kuchlar  harakati  bilan  bog‘liq 
tabiiy  ekologik  omillar  (turli  tezlikdagi  shamollar,  vulqonlar,  magmaning    Yer 
po‘stlog‘iga  yorib  kirishi,  tektonik  -  ya’ni  tog‘  hosil  qiluvchi    harakatlar,  tabiiy 
yong‘inlar,  suv  toshqini  va  boshqalar)  ta’sir  etib  uning  ifloslanishiga, 
bulg‘alanishiga va miqdorining kamayib ketishiga sabab bo‘ladi. 
Sun’iy  ekologik  omillar,  asosan,  xalq  xo‘jaligi  sohalarida  shakllanayotgan 
oqova  suvlar,  turli  axlatlar,  chiqindilar  va  inson  faoliyati  bilan  bog‘liq  hodisalar 
natijasida suv muhitiga turli jinslar, moddalar va jismlarning (mineral, organik va 
biologik) kelib tushishi oqibatida yuz beradi.