Salimjon buriyev, dildora maxkamova, vafabay sherimbetov ekologiya va atrof muhit muhofazasi

 
8.5. Atmosferaga ajratmalar manbalari.   
Bir necha yillar avval «kislotali yog‘inlar» va «kislotali yomg‘irlar» iborasi 
faqat ekolog olimlargagina ma’lum edi. Afsuski, so‘nggi 25 - 30 yil davomida bu 
iboralar  kundalik  hayotimizga  kirib  keldi  hamda  xavotirlik  va  tashvish 
tug‘dirmoqda. 

---

106 
 
 «Kislotali  yomg‘ip»  tushunchasi  130  yil  avval  paydo  bo‘lgan  edi.  Ingliz 
kimyogari Robert Anges Smit sanoat shahri Manchester va uning atrofida «uch xil 
havo» borligini aniqladi. Bular: uzoq dalalardagi ammoniy karbonatli (NH
4
)
2
CO
3
 
havo;  shahar  atrofida  ammoniy  sulfatli  (NH
4
)
2
SO
4
  havo;  shaharning  o‘zida  sulfat 
kislotali  H
2
SO
4
  yoki  ammoniy  bisulfatli  NH
4
HSO
4
  havo.  1872  yilda  «Havo  va 
yomg‘ir» kitobida u «kislotali yomg‘ir» haqida yozdi va unda bir qator hodisalarni 
(ko‘mirni  yoqish,      organik      materiallarni      chirishi,      shamollar      yo‘nalishi,   
dengizga  yaqinlik,      joydagi      yog‘inlar      miqdorini)      ko‘rib      chiqdi.      Smit   
ko‘rsatdiki,  shahardagi              kislotali                (nordon)    havo              matolardagi 
bo‘yoqlarni rangsizlantiradi  va  metallar  yuzasini  yemiradi;   kislotali  yomg‘ir 
suvi o‘simliklar   va   materiallarga   ziyon   etkazadi;   mishyak,   mis   va   boshqa 
metallar sanoat hududlarida yomg‘irlar bilan yer yuziga tushadi. 
XX          asrning          50-yillarigacha          ifloslantiruvchi          moddalarning 
atmosferadagi  ko‘chishi  mahalliy  masshtabdagi  ko‘chish  va  tarqalish  bilan 
bog‘liqligi uchun e’tiborni tortar edi.  Shved olimlari Karl Gustav  va Erik  Erikson  
shuni    tasdiqladilarki,      havo    uzoq    va    yaqin    masofalarga  tashuvchi  sifatida 
xizmat qiladi, uning «yuki» turli kimyoviy moddalardan iborat bo‘lishi mumkin va 
ular hosil bo‘lgan joyidan uzoq-uzoqlardagi joylargacha yetib boradi. 
O‘tgan  asrning  2-yarmidan  boshlab  atmosferaga  chiqarilayotgan  zararli 
gazlar  miqdori  keskin  ortdi.  Bu  hodisa  1960      yillarga      kelib      Yevropa      va   
Shimoliy      Amerikaning      bir    qator  mamlakatlari  uchun  katta  muammo  bo‘lib 
qoldi.    Xuddi  shu  vaqtda  atrof  muhit  ifloslanishi  bo‘yicha  birinchi  maqolalar 
chiqdi, ularda asosiy ifloslantiruvchilar oltinguturt oksidlari (SO
2
) va azot oksidlari 
(NO
2
)  deb  hisoblanib,  bu  oksidlarning  hosil  bo‘lishini  foydali  qazilmalarni  qazib 
olish  va  qayta  ishlash  bilan  bog‘lashgan.  Bu  moddalar  hosil  bo‘lgan  joyidan 
shamol  orqali  yuzlab    kilometrlarga  tarqaladi,    so‘ngra  ular      atmosferadan 
yomg‘irlar,  tumanlar  va  qorlar  bilan  yuviladi.  1968  yilda    olimlar    Skandinaviya 
mamlakatlari  ustidagi  yog‘inlar  yanada  kislotali      bo‘lib      borayotganini, 
oltingugurt  birikmalarining  katta  miqdori  Markaziy  Yevropa  va  Buyuk 
Britaniya’ning  sanoat  hududlari    ajratmalari  sifatida  atmosferaga  chiqayotganini  

---

107 
 
isbot qildilar.   Ko‘rinadigan   va   seziladigan   zarrachalarni, masalan qurum va 
qum changini shamollar uzoq masofalarga olib ketishi o‘sha vaqtda yangilik emas 
edi.  1755  yildayoq  Sahroi  Kabirning  qizil  qum  changi  mamlakatlar    va    qit’alar  
ustidan    uzoq  masofani  shamol  yordamida  bosib  o‘tib    Buyuk  Britaniyaga 
yetganligi  kuzatilgan.  1881  yilda  Norvegiyalik  olimlar  mamlakatning  ba’zi 
hududlaridagi  qorning  kul  rang  tusga  kirganligi  sababini  Buyuk  Britaniyadan 
shamollar  olib  kelgan  havoda  ifloslantiruvchi  moddalarning  mavjudligi  bilan 
tushuntirishdi.  Bundan  tashqari,  1950      yilda    Atlantika      okeanining      narigi   
tomonida,  Kanadaning  Alberta  provinsiyasida  sodir  bo‘lgan  ulkan  o‘rmon 
yong‘inining tutunini Yevropada sezishgan. 
Kislotali  yomg‘irlar  oqibatida  so‘nggi  40  yil  ichida  qadimgi  Gretsiya’ning 
Akropol  yodgorligi  qurilgan  davri  –  2,5  ming  yildagidanda  ko‘proq  yemirilgan. 
Xitoyning  40  foizga  yaqin  hududi  kislotali  yomg‘irlarning  doimiy  ta’siri  ostida 
ekanligi g‘oyatda achinarlidir. 
Kislotali  yomg‘irlarga,  asosan,  sanoat  korxonalarining  zararli  moddalarni 
atmosferaga  chiqarishi  sabab  bo‘lmoqda.  Bunday  yomg‘irlar  nafaqat  odamlarga, 
balki binolar, o‘simliklar va baliqlarga, umuman mavjudotlarning barchasiga zarar 
yetkazadi.  Norvegiyada  kislotali  yomg‘irlar  oqibatida  o‘rmonlarning  80  foizga 
yaqini butunlay yo‘q bo‘lib ketish arafasida. 
Ma’lumot uchun shuni aytish joizki, har yili sanoat korxonalari atmosferaga 
200  million  tonnadan  ziyod  uglerod  oksidini  va  taxminan  150  million  tonna 
oltingugurt dioksidini chiqararkan.  
Atmosfera  havosining  ifloslanish  darajasi  butun  dunyo  sog’liqni  saqlash 
tashkiloti tomonidan 4 guruhga bo‘lingan: 
1. Atmosfera havosining zararsiz tarkibi. 
2. Kasallik ko‘zg’atish darajasi. 
3. Surunkali kasalliklarni keltirib chiqarish darajasi. 
4. O‘tkir kasalliklarni ketirib chiqarish darajasi. 
Atmosfera havosi tarkibidaga zararli moddalarning RECHKsi (ruxsat etilgan 
chegaraviy  konsentratsiyasi)  2  o‘lchamda  beriladi:  1)  Maksimal  bir  martalik 

---

108 
 
RECHK. 2) O‘rtacha sutkalik RECHK. 
Maksimal  bir  martalik  RECHK  zararli  moddalarning  inson  uchun 
xavfliligini  ifodalovchi  asosiy  ko‘rsatgich  bo‘lib,  qisqa  vaqt  davomida 
atmosferadagi  ifloslanuvchi  moddalar  ta’siridan  hidni  sezish,  nurlarni  sezish  va 
bosh miya’ning biologik faoliyatini o‘zgarishidan ogohlantiradi. 
Shuni  alohida  ta’kidlash  joizki,  Maksimal  bir  martalik  RECHK  texnologik 
jarayonlarning  izdan  chiqishi  yoki  shikastlanishi  paytida  atmosfera  havosiga 
qo‘shiladigan tashlanmalar miqdorini ifodalaydi. 
O‘rtacha sutkalik RECHK esa, bir sutka vaqt davomida atmosfera havosida 
mavjud  bo‘lgan  zararli  moddalarning  eng  kichik  konsentrasiyalarini  ifodalaydi. 
O‘rtacha sutkalik RECHK inson organizmiga ta’sir etadigan zaharli moddalardan, 
ya’ni  mutagen,  kanserogen  va  umumiy  zaharlanish  xususiyatiga  ega  bo‘lgan 
moddalardan ogohlantiradi. 
Dunyoda  ifloslanish  darajasi  eng  yuqori  shahar  qaysi?  Internetdagi 
ma’lumotda  keltirilishicha,  bu  Xitoyning  Benxi  deb  nomlangan  shahri  ekan. 
Aerofoto  tasvirda  hatto  shahar  bilinar-bilinmas  ko‘ringan.  Ya’ni  400  dan  ziyod 
fabrika  va  zavodning  atmosferaga  chiqarayotgan  turli  gazlaridan  hosil  bo‘lgan 
tumanga shahar o‘ralib qolgan. 
Qaysi  daryo  eng  ifloslangan  hisoblanadi?  Hindistonning  Gang  daryosi 
dunyodagi eng ifloslangan suv havzalaridan biri. 
Dengiz  toshbaqalari  nega  halok  bo‘lmoqda?  Sababi  –  meduza  deb  o‘ylab, 
inson uloqtirgan polietilen paketlarni yutib yuborayotgani uchun. 
Eng toza mamlakat qaysi? Bu – Shvetsariya. 
Eng  ifloslangan  mamlakatchi?  Bu  –  Iroq.  2012  yilda  Yel  va  Kolumbiya 
universiteti olimlari shunday ekologik indeksni belgilashgan. 
2013 yilda atrof muhiti eng ko‘p ifloslangan dunyodagi 10 joyni bilasizmi? 
1.  Argentinadagi  Matansa-Riachuelo,  havosida  uchib  yuradigan  organik 
birikma, xususan toluol bor. 
2. Bangladeshdagi Xozoribog‘, havosida xrom ko‘pligi bilan ajralib turadi. 

---

109 
 
3.  Ganadagi  Agbogbloshi  havosida  qo‘rg‘oshin,  kadmiy,  simob  moddalari 
ko‘p. 
4.  Indoneziyadagi  Chitarum  daryosi  suvi  kimyoviy  vositalari,  xususan 
qo‘rg‘oshin, kadmiy, xrom va pestitsidlar bilan ko‘p miqdorda zaharlangan. 
5. Indoneziyadagi Kalimantan degan joyning havosi kadmiy, simob miqdori 
yuqoriligi hisobiga ifloslangan. 
6. Nigeriyadagi Niger daryosi deltasi neft bilan zaharlangan. 
7. Rossiyadagi  Dzerjinsk  degan  joy  esa kimyoviy  moddalar, xususan  zarin, 
qo‘rg‘oshin va fenol, shuningdek toksik chiqindilar ko‘p. 
8.  Rossiya’ning  Norilsk  degan  joyi  esa  havosidagi  og‘ir  metallar  ko‘pligi 
bilan ifloslanganlik darajasi yuqori. 
9. Zambiya’ning Kabve degan joyi havosida qo‘rg‘oshin miqdori ko‘p. 
10. Ukrainaning Chernobili havosida radionuklidlar ko‘p. 
Bu reytingni «Shveysariya ko‘k xochi» nomli atrof muhitni muhofaza qilish 
mustaqil tashkiloti AQSHning Bleksmit instituti bilan hamkorlikda tuzgan.