Salimjon buriyev, dildora maxkamova, vafabay sherimbetov ekologiya va atrof muhit muhofazasi

8.4-rasm. Ozon qatlamining hozirgi holati (Levashov, 2015) 
Umuman  olganda,  ozon  va  «ozon  tuynugi»  muammolari  hali  yanada 
izlanishni,  o‘rganishni  talab  qiladi,  biroq  bir  narsa  muhim  -  bu  muammoga 
e’tiborsiz  bo‘lmaslik  lozim.  Shu  sababli  jahon  hamjamiyati  ozonni  parchalovchi 
moddalar,  xususan  sovutgichlarda  ishlatiladigan  freonlarni  ishlab  chiqarish  va 
foydalanishni kamaytirish uchun harakat qilmoqda. 
 

---

103 
 
8.4.3. “Fotokimyoviy tutun (smog)” hodisasi. 
Ayrim  hududlardagi  havoning  harakatsiz  turib  qolishi  -  inversiya  hodisasi 
tufayli  kuzatiladigan  zaharli  tuman  -  smog  (tutun  va  tuman  aralashmasi)  insonlar 
sog‘lig‘iga  o‘ta  salbiy  ta’sir  ko‘rsatadi.  “Smog”  so‘zi  birinchi  marta  1905  yilda 
doktor  Genri  Antuanom  de  Vo  tomonidan  “Tuman  va  tutun”  maqolasida 
ishlatilgan bo‘lib, uning ingliz tildan tarjimasi “tutun” degan ma’noni anglatadi.