Salimjon buriyev, dildora maxkamova, vafabay sherimbetov ekologiya va atrof muhit muhofazasi

2. 
Agrotexnik  tadbirlar
. Bu  guruh  tadbirlariga  yer  yuzasining  tuzilishi 
(relyefi)  va  tuproqlarning  boshqa  xususiyatlariga  mos  ravishda  qo‘llaniladigan 
agrotexnik  tadbirlar  kiradi.  Yerlarni  nishablikka  nisbatan  ko‘ndalangiga  haydash 
va ishlov berish, tuproqlarni chuqur yumshatib, ag‘darmasdan haydash, ko‘ndalang 
nam  tutuvchi  egatlar  barpo  etish,  ko‘p  yillik  yoki  serildiz  o‘simliklardan 
ko‘ndalang  himoya  mintaqalarini  barpo  etish,  tuproqni  optimal  g‘ovakligi  va  suv 
o‘tkazuvchanligini  ta’minlash,  sug‘orishda  egatlarning  uzunligini,  suv  sarfini  va 
sug‘orish  usullarini  to‘g‘ri  belgilash,  yomg‘irlatib  va  tomchilatib  sug‘orish 
usullarini qo‘llash, o‘g‘itlash me’yorlari va muddatlarini to‘g‘ri belgilash, organik 
o‘g‘itlardan  ko‘proq  foydalanish,  tuproq  yuzasini  mustahkamlovchi  kimyoviy 

---

150 
 
vositalarni  qo‘llash,  ekinlarni  plyonka  ostiga  ekish,  o‘simlik  qoldiqlari  bilan 
mulchalash,  bo‘ychan,  zich  o‘sadigan  ekinlardan  shamolga  qarshi  ixota 
polosalarini  hosil  qilish,  kuchli  shamollar  davrida  tuproq  yuzasini  nam  saqlash, 
ekin  qatorlarini  shamolga  ko‘ndalang  joylashtirish  va  boshqa  yuqori  unumli 
agrotexnik  tadbirlarni  o‘z  vaqtida  qo‘llash  orqali  eroziya  va  deflyatsiyaga, 
sho‘rlanish,  botqoqlanish  va  ifloslanishga  qarshi  yuqori  samaraga  erishish 
mumkin.