Сайид Ахмаднинг "Таашшуқнома" асари ҳақида

Сайид Ахмаднинг "Таашшуқнома" асари ҳақида
Сайид Ахмаднинг ижоди ХV асрнинг иккинчи ярмига тўғри келади. У Темурнинг уғилларидан Мироншохнинг фарзанди бўлиб, Сайид- адабий таҳаллусидир. Сайид Ахмад ўзбек ва форс тилларида асарлар яратиб, ўз даври адабиётининг ривожига муносиб ҳисса қўшган. Буни улуғ шоир Алишер Навоий хам ўзининг "Мажолис-ун нафоис" асарида алохида та'кидлайди ва унинг девони борлигини айтади. Аммо шоирнинг девони ҳозиргача топилмаган. Унинг ёлгиз «Таашшуқнома» асари бизгача етиб келган. Бу асарнинг қўлёзма нусҳаси Лондондаги Британия музейида сақланади. Тўпламга киритилган бу асарнинг тўла тексти эса шу қўлёзманинг фотонусхаси асосида биринчи бор ҳозирги ўзбек тилида нашрга тайёрланди. «Таашшуқнома» 839 (хижрий)— 1435-1436 (милодий) йилларда ёзилган бўлиб, ундан олдин яратилган «Мухаббатнома» ва «Латофатнома» асарларига ўхшатма тарзда вужудга келган. Асар 319 байтдан иборат. Асар ўзининг содда ва равон тили, мафтункор бадиий кучи хамда тасвирлаш воқеаларининг ўз ўрнида ишлатилиши билан характерланади. Сайид Адмаднинг «Таашшукнома» асарининг транскрипциядаги тексти, туркий тилни ўрганиш нуқтаи назаридан унинг грамматик тахлили, изохлари ва луғати, машхур туркшунос олим А. Шчербак томонидан 1973 йилда нашрга тайёрланиб, «Шарқ ёзуви ёдномалари» тўпламида чиқарилган. Шунингдек, бу асардан айрим парчаларни 1927 йилда машхур олим А. Н. Самойлович ҳам нашр эттирган. 1959 йилда чиққан «ўзбек адабиёти»нинг 1 томига дам «Таашшуқнома»дан айрим парчалар киритилган. Мазкур тўпламдаги асарнинг тўла тексти ҳозирги замон ўқувчиларини XV асрнинг II ярмида яратилган нодир бадиият дурдонаси билан яқиндан танишишларига катта имконият яратади.