Sahna bezaklari: “Qoldi andin yaxshilig‘” (Baner)

______________________________________________________________________

Qaro zulfing

Qaro zulfing firoqida parishon ro`zg`orim bor,

Yuzungnung ishtiyoqida ne sabru ne qarorim bor.

Labing bag`rimni qon qildi,ko`zimdin qon ravon qildi,

Nega holim yamon qildi,men ondin bir so`rorim bor.

Jahondin manga g`am bo`lsa,ulusdin gar alam bo`lsa,

Ne g`am yuz muncha ham bo`lsa,seningdek g`amgusorim bor.

Agar muslihmen,ar mufsid va gar oshiqmen,ar obid,

Ne ishing bor sening,zohid,meningki ixtiyorim bor.

Fig`onim oshti bulbuldin,g`ami yo`q zarra bu quldin,

Bse,Bobur,o`shal guldin ko`ngulda xorxorimbor.

Topilmas

Sendek menga bir yori jafokor topilmas,

Mendek senga bir zori vafodor topilmas.

Bu shakl - u shamoyil bila xud hur-u parisen-

Kim, jinsi bashar ichra bu miqdor topilmas.

Ag’yor ko’z oldida-yu ul yor ayon yo’q,

G’am xori ko’ngul ichra-yu g’amxor topilmas.

Ey gul, meni zor etmaki, husning chamanida,

Ko’zni yumub- ochquncha bu gulzor topilmas.

Bobur, seni chun yor dedi – yorlig’ etgil,

Olamda kishiga yo’q esa yor topilmas.

____________________________________________________________________

Yaxshilig`

Kim ko`rubdur, ey ko’ngul ahli jahondin yaxshilig’?!

Kimki, ondin yaxshi yo’q, ko’z tutma ondin yaxshilig’?!

Gar zamonni nafi qilsam, ayb qilma, ey rafiq,

Ko’rmadim hargiz, netayin, bu zamondin yaxshilig’?!

Dilrabolardin yomonliq keldi mahzun ko’nglima

Kelmadi jonimg’a hech oromi jondin yaxshilig’.

Ey ko’ngul, chun yaxshidin ko’rdung yomonlig’ asru ko’p,

Emdi ko’z tutmak ne, ya’ni har yoondin yaxshilig’?

Bori elga yaxshilig’ qilg’ilki, mundun yaxshi yo’q

Kim degaylar dahr aro qoldi falondin yaxshilig’!

Yaxshilig’ ahli jahonda istama Bobur kibi,

Kim ko’rubdur, ey ko’ngul, ahli jahondin yaxshilig’!