Sahna bayramona bezatilgan

1-boshlovchi:Vatanni sevish ardoqlash uni ko’klarga ko’tarish barchamiz uchun sharafdir.

2-boshlovchi:Dovrug’i tillarda doston bo’lgan yurt,

Shavkati ham shoni osmon bo’lgan yurt

Har yog’i chamanzor bog’u bo’stonim

Dunyoda yagonam,O’zbekistonim!

1-boshlovchi:

– Diyorimda katta bayram –

Istiqloldan yaralgan,

Dunyolarning nigohlari

Poytaxtimga qadalgan.

Talpinadi barcha bunda

«Shosh»ni qutlash ishqida

Har yallayu she'r-qo‘shiqlar erk,

Baxtimga atalgan.

2-boshlovchi:

– Ko‘ring yurtimni bugun bir bora kelib,

Hay-hay, bir bora emas, ming bora ko‘rib.

«Avesto»da zarb etilgan manzilgoh shudir,

Barchamizda yurt g‘ururi –iftixor shudir.

1-boshlovchi:Mustaqillik tenglik sari qoyilgan birinchi qadamdir. Biz mustaqillikka 1991 yil 31 avgustda erishdik. O`sha kundan boshlab o‘zbek xalqi uchun yangi davr, yangi kun boshlandi. Mana shunga ham 28 yil bo`libdi. Bu davr

orasida yurtimizning xalq xo`jaligi va qishloq xo`jaligi sohasida, ta`lim tizimida juda ko‘p yutuqlarga erishdik.

1-o’quvchi:Urush ko’rmasin bolam

Tinch bo’lsin deydi olam

Yurting sevgan har odam

Tinchlikni istar mudom

Har qarich tuproq aziz

Tinchlik so’zidir laziz

Shod yashasin o’g’il qiz

Ezgulikka to’lib iz.

2-o’quvchi:Vatan o’zi ne ekan

Xayolga toldim bir zum

Unda gulmi yo tikan

Bariga qilay ta’zim

Siqim tuproq ham vatan

Ayro tushmasman bir zum

Bog’lari chaman-chaman

Ularga qilay ta’zim

Mehribon ota-ona

Parvona bo’lay o’zim.

Bosh qo’yganim ostona

Unga ham qilay ta’zim

Kumush qishli dalalar

Qorla qiladi ba’zim

O’ynar tengdosh bolalar

Ularga qilay ta’zim

Kelsa bahor chog’lari

Tog’lar yanada azim

Kelinchakdek bog’lari

Bariga qilay ta’zim.

3-o‘quvchi: – 1991 yil 18-noyabrda O’zbekiston Respublikasi Davlat bayrogi, 1992 yil 2-iyulda Davlat gerbi,1992 yil 8-dekabrda Ozbekiston Respublikasi Konstitutsiyasi qabul qilindi. Biz o‘z Prezidentimiz, o`z hududiy chegaramiz, Qurolli kuchlarimiz, Milliy qo‘shinimiz hamda Davlat tilimizga egamiz. Bularning

barchasi abadiy biznikidir.

4-o‘quvchi:

– – Kelajagim o‘zing, iymonim o‘zing,

Insoniy g‘ururim, vijdonim o‘zing.

Qalbimdan joy olgan Islomim o‘zing,

Go‘zal O‘zbekiston, sensan Vatanim,

Seni yo`q qilolmas hech qanday g‘anim.

5-o‘quvchi: – Jamiyat hayotini yengillashtirish maqsadida fuqarolarni o`z-o`zini boshqarish organlari faoliyati kengaytirildi, inson huquqlarini himoya qilishga alohida e’tibor berildi,Matbuot erkinligiga erishildi, xorijiy davlatlar bilan aloqalar

mustahkamlandi, BMT ga a’zo bo`ldik, bu yanada quvonchlidir.

6-o‘quvchi:

– O‘zbekiston, tug‘ilgan yurtim,

O‘zingsan, onajon, yuzda tabassum.

Bag‘ring kengdir, go‘zalsan o‘lkam,

Jozibang doimo tortar havasim.

7-o‘quvchi:

– Qalbimga o‘rnashding chiroying bilan,

Qalbimda mangusan,ona Vatanim!

Yuragim qo‘ri ham, dardlaringbilan

Sukutdan yaralgan hadya jon-tanim!

8-o‘quvchi:

– Ona Vatanim, senga fidodir jonu-tanim,

Qorli tog‘laring, serhosil bog‘laring,

Cho‘lu biyobonlaring, onamdek, otamdek qadrdondir.

Yer osti, yer usti boyliklaring,mening boyligim, xalqim boyligidir.

9-o‘quvchi:

– O‘xshashi yo‘q bu go‘zal bo‘ston,

Dostonlarda bitgan guliston.

O‘zbekiston deya atalur,

Uni sevib el tilga olur.

-Ey ona zamin jon o’zbekiston

Dildagi jon u jahonim o’zing

G’ururim sensan menga buyuk shon

Boshim uzra osmonim o’zing.

Hovuch tuprog’ing men uchun gavhar.

Tavof etaman ey ona yerim

Shoira emasman shoir bo’lsam gar

Senga atalardi birinchi she’rim

Odim tashlagaymiz shod bo’lib behad

Pok k tuprog’ingni ko’zlarga surtay

Biz hech kimdan kam bo’lmaymiz albat

Chunki yashayapmiz mustaqil yurtda