Safarov, G. R. Tursunova turizm asoslari t oshkent – 2014 I. S. Tuxliyev, R. Hayitboyev, B. Sh. Safarov, G. R. Tursunova

Yo‘lovchilarning xavfsizligini ta’minlash transport xizmatlari ko‘rsatishning eng muhim masalasi bo‘lib, u harakatlanadigan tarkibdan foydalanish qoidalariga rioya qilishni, transport vositalarining harakatini ta’minlovchi turli xizmatlar professional tarzda va uyushqoqlik bilan ishlashini, yo‘lovchilar ham xulq-atvor qoidalariga rioya qilishini, ekologik toza transport turlaridan foydalanishni nazarda tutadi.
Turistlarning uyushgan guruhlarini tashish marshrutlar ishlab chiqish, chiptalarni buyurtma qilish, transportda joylashtirish, tur dasturlarini amalga oshirish bilan bog‘liq ayrim o‘ziga xos xususiyatlarga ega bo‘lganligi uchun turistik firmalar transport kompaniyalari bilan yaqin aloqalar o‘rnatishiga to‘g‘ri keladi.
Tayanch so‘z va iboralar: Transportda xizmat ko‘rsatish, turistlarga transportda xizmat ko‘rsatish, «O‘zbekiston Havo yo‘llari», «O‘zbekiston temir yo‘llari», tashish marshrutlarini ishlab chiqish, chiptalarni buyurtma qilish, transport kompaniyalari, transport ta’minoti, transportning ulushi, transportda tashish xizmatlarining tasniflanishi.


Mustaqil ishlash uchun savollar:

1. 
   Turistik mahsulotlar tarkibida transport xizmatlarining ulushi qanday aniqlanadi?
   
2. 
   Turizm sohasida transport ta’minoti tizimi nimadan iborat?
   
3. 
   Transportda tashish xizmatlarining xili va turi bo‘yicha tasniflanish qanday amalga oshiriladi?
   

4. Transportda xizmat ko‘rsatishning iqtisodiyotdagi o‘rni nimadan iborat?


Amaliy mashg‘ulotlarga tayyorgarlik ko‘rish uchun topshiriqlar:

1. O‘zbekistonda mavjud transport vositalarini tasniflang.

2. Transport vositalarini tasniflashda ularning har biri uchun taqdimot tayyorlang.


Test savollari:


1. Turistlarga transport xizmatlarini ko‘rsatish deganda nimani tushunasiz?
a) turistlarni va ularning yuklarini bir joydan ikkinchi joyga mumkin qadar tez va qulay sharoitlarda tashish uchun mo‘ljallangan xizmatlar majmuiga aytiladi.
b) yo‘lovchilarning yuklarini bir joydan ikkinchi joyga eltib qo‘yish
d) turistlarni boradigan mamlakatidagi diqqatga sazovor joylariga olib borish
e) turistlarni tranzit tashish
2. Transport vositalarining rivojlanishi bilan xalqaro turizmda nima o‘zgardi?
a) vaqt tejaldi, narx arzonlashdi
b) aholi turmush darajasi yaxshilandi
d) xizmat turlari ko‘paydi
e) aholi ish bilan ta’minlandi