Safarov, G. R. Tursunova turizm asoslari t oshkent – 2014 I. S. Tuxliyev, R. Hayitboyev, B. Sh. Safarov, G. R. Tursunova

Baxt uylari qoshidagi bufetlarda meva-chevalar, shokolad, konfetlar shuningdek, gullar va sovg‘a buyumlari bo‘ladi. Nikohdan o‘tuvchilarning xohishiga qarab, oldindan dasturxon tuzatilishi va ofitsiantlar xizmat qilishi mumkin.
Choyxonalarda choy va undan tayyorlangan pishiriqlar, qandolat mahsulotlari, go‘shtli ovqatlar, baliq, tuxum, mol go‘shti, qovurilgan tuxum, kolbasa va boshqalar sotiladi. Bu yerda asosan o‘z-o‘ziga xizmat qilish amalga oshiriladi. Bu choyxonalar Markaziy Osiyo davlatlarida umumiy ovqatlantirish tizimining asoslarini tashkil qiladi. Mustaqillik tufayli O‘zbekistonda choyxonalarga keng imkoniyatlar berildi. O‘tgan yillar ichida shunday choyxonalar bunyod etildiki, ular faqat choy ichish joyigina emas, ajoyib hordiq chiqarish, ko‘ngil ochish, do‘stlarning suhbatlashish makoniga aylandi. Bu yerda mijozlarning o‘zlari xohlagan ovqatlarini tayyorlashlari, ayniqsa, choyxona palovi juda mashhur. Choyxonalar madaniy dam olish maskaniga aylandi.
Tayanch so‘z va iboralar: Umumiy ovqatlanish korxonalari turlari, umumiy ovqatlanish korxonalari tasnifi, xizmat turlari, xizmat ko‘rsatish, pazandachilik, stol servirovkasi.


Mustaqil ishlash uchun savollar:

1. 
   Turizmda ovqatlantirish xizmatining maqsad va vazifalari nimalardan iborat?
   
2. 
   Umumiy ovqatlanish sohasining iqtisodiyotda tutgan o‘rni va ahamiyati qanday?
   
3. 
   Umumiy ovqatlanish korxonalarining asosiy turlarini sanab bering.
   

4. Restoran va lyuks toifali restoranlardagi ko‘rsatiladigan xizmatlarning farqlanishini tushuntiring.


Amaliy mashg‘ulotlarga tayyorgarlik ko‘rish uchun topshiriqlar:

1. Ertalabki nonushta va kechki ovqat uchun stol servirovkalarini tayyorlab keling va uning taqdimotini o‘tkazing.

Test savollari:


1. Restoranlar bir-biridan nimasi bilan farqlanadi?
a) joylashgan joyi va taomlar assortimenti bilan
b) mijozlar ko‘pligi bilan
d) ichimliklar turi bilan
e) xizmat turlari bilan
2.O‘zbekiston Respublikasi Vazirlar Mahkamasining «O‘zbekiston Respublikasida umumiy ovqatlanish mahsulotlarini (xizmatlarini) ishlab chiqarish va sotish qoidalari to‘g‘risida»gi Qarori qachon qabul qilingan?
a) 2003- yil 13- fevral
b) 2003- yil 17- mart
d) 2007- yil 2-avgust
e) 2005- yil 16- oktabr