Safarov, G. R. Tursunova turizm asoslari t oshkent – 2014 I. S. Tuxliyev, R. Hayitboyev, B. Sh. Safarov, G. R. Tursunova

ishlash jarayonlari
Litsenziya olish uchun tegishli zaruriy hujjatlarni tayyorlashga to‘g‘ri keladi ularga qo‘yidagi ma’lumotlar kiradi:

• 
  huquqiy shaxsni tashkiliy – huquqiy shakllari hamda nomi uning joylashgan manzili (pochta manzili), huquqiy shaxsning amalga oshirishni mo‘ljallagan faoliyat turini litsenziyalanadigan bank muassasasining hisob – kitob raqami va bank muassasining nomi, ko‘rsatilgan faoliyat turini amalga oshirish muddatlari ko‘rsatilgan litsenziya berish to‘g‘risidagi arizasi;
  
• 
  huquqiy shaxsni davlat ro‘yxatidan o‘tganligi to‘g‘risida guvohnomaning notariusdan tasdiqlangan nusxasi;
  
• 
  litsenziya tadqiqotchisi tomonidan litsenziya tadqiqotchisining arizasini ko‘rib chiqish uchun 5 karra minimal ish haqqi miqdorida litsenziya yig‘imlarini o‘tkazganligini tasdiqlovchi hujjat. Agar tadqiqotchi tomonidan berilgan ariza rad qilingan holatlarda to‘langan summa qaytarilmaydi;
  
• 
  litsenziya tadqiqotchisining binodan foydalanish huquqini tasdiqlovchi hujjatlar hamda «O‘zbekturizm» MK vakillari tomonidan tuzilgan komissiyaning binoni, moddiy – texnikaviy jihozlangani, faoliyat turini litsenziyalash talablariga javob berishini tasdiqlovchi va uni ko‘zdan kechirganligi haqidagi hujjati;
  
• 
  shakillantirilgan nizom jamg‘armasi miqdori to‘g‘risida bank ma’lumotnomasi;
  
• 
  mutaxassislarga turizm sohasidagi ish staji yoki maxsus ta’limning mavjudligini tasdiqlovchi hujjat (diplom yoki mehnat daftarchasining nusxasi, ishga qabul qilish to‘g‘risida buyruq);
  
• 
  rahbarning ismi, sharifi, familiyasi, tug‘ilgan yili, pasport ma’lumotlari, uy manzili, ma’lumoti, telefon raqamlari to‘g‘risidagi ma’lumotlar.
  

«O‘zbekturizm» MK tomonidan qarorlarni qabul qilish jarayoni qat’iy aniq belgilangan vaqtda amalga oshiriladi, lekin amaliyotda ba’zan ayrim kechikishlar ham kuzatiladi. Shunga qaramasdan litsenziya berish yoki berishni rad etish to‘g‘risidagi qarori litsenziya tadqiqotchisi tomonidan barcha zaruriy hujjatlarni ariza bilan birgalikda taqdim etgandan so‘ng 30 kundan ortiq bo‘lmagan muddatda qabul qilinadi.
Ekspertlarni fikriga qaraganda, bu huquqni muhofaza qilish organlarining, moliyaviy va soliq xizmatlarining o‘z sohalari bo‘yicha zaruriy tekshirishlari bilan bog‘liqdir. Masalan, turizm sohasidagi faoliyat uchun litsenziya firma – egalari (rahbarlari) to‘g‘risida ma’lumotlar jo‘natiladigan muassasalar ro‘yxatiga Milliy xavfsizlik xizmati, Ichki ishlar Vazirligi (IIB), Tashqi ishlar Vazirligi, Tashqi iqtisodiy aloqalar agentligilari kiradi.
Har qanday holatda «O‘zbekturizm» MK 15 kun muddat ichida, taqdim etilgan hujjatlar bo‘yicha ekspert xulosalarini tayyorlaydi, hujjatlarni ko‘rib chiqadi hamda litsenziyani berish yoki (bermaslik) uni rad etish to‘g‘risidagi takliflarini komissiyaga tasdiqlash uchun tegishli qaror qilinganligi haqida qaror bayonnomasini tasdiqlaydi.
Undan so‘ng natijalar to‘g‘risida Milliy kompaniya uch kun muddat ichida tadqiqotchini xabardor qiladi, ya’ni unga bank rekvizitlari ko‘rsatilgan holda yozma shaklda bevosita taqdim etadi yoki jo‘natadi (unda davlat bojini to‘lash muddati va hisob raqamlari aks etishi kerak). Bir vaqtning o‘zida tadqiqotchiga litsenzion kelishuvni imzolash uchun jo‘natadi. Shuni qayd qilish kerakki, agar 3 oylik muddat ichida yuqorida qayd qilingan litsenziat kelishuvi tuzilmasa va davlat boji to‘lanmagan holatlarda hukumat komissiyasi litsenziyani bekor qilish to‘g‘risida qaror qabul qilish huquqiga ega.
Quyida O‘zbekistonda «O‘zbekturizm» MK ning ishchi organi orqali turizm litsenziyasini rasmiylashtirish jarayoni va bosqichlari ko‘rsatilgan.