S20. 18 гурух талабаси Юлдузхон Собиржонова

Ёғочларга куйдириб ишлов бериш технологияси

S20.18 гурух талабаси


Юлдузхон Собиржонова

KИРИШ
Мебель саноати иқтисодиётимизнинг энг истиқболли ва жадал ривожланиб бораётган тармоқларидан бири бўлиб, уни мустаҳкамлаш Ўзбeкистон саноатини ривожлантириш стратeгиясининг муҳим таркибий қисми ҳисобланади.
Ўзбекистон Республикаси Президенти Шавкат Мирзиёевнинг "2017-2020 йилларда шаҳарларда арзон кўп квартирали уйларни қуриш ва реконструкция қилиш Дастурини амалга ошириш чора-тадбирлари тўғрисида" 2016 йил 22 ноябрдаги ПҚ-2660-сонли ҳамда "2017-2020 йилларда шаҳарларда арзон кўп квартирали уйларни қуриш ва реконструкция қилиш дастурини самарали амалга ошириш борасидаги қўшимча чора-тадбирлар тўғрисида" 2017 йил 13 январдаги ПҚ-2728-сонли қарорларини амалга ошириш борасида Республикамизда кенг қамровли ишлар амалга оширилмоқда.
Мамлакатимизда амалга оширилаётган қурилиш ишлари, ўз навбатида мебель ва уй жиҳозлари ҳамда инвeнтарлари ишлаб чиқаришни жадаллаштириш, мебель корхоналари сонининг янада кўпайишини ва маҳаллий ёғоч рeсурсларидан самарали фойдаланишни талаб қилмоқда.
Мебель ишлаб чиқариш ва ёғочсозлик саноати бўйича Республикамизда ҳозирги кунда 3000 га яқин турли мебель ва ёғочсозлик корхоналари мавжуд. Ушбу корхоналарни етук мутахассислар билан таъминлаш мақсадида Тошкент кимё-технология институтида 5А320307 – “Ёғочга ишлов бериш технологияси ва ёғочшунослик” магистратура мутахассислигида кадрлар тайёрланмоқда.
5А320307 – “Ёғочга ишлов бериш технологияси ва ёғочшунослик” мутахассислиги бўйича магистратурага кирувчилар учун мутахассислик фанларидан тузилган мазкур дастур бўйича магистратурага кирувчилардан, ёғочнинг тузилиши ва хусусиятлари, нуқсонлари, ишлатилиши, ёғочни тилиш технологияси асослари, ёғочни қуритиш турлари, қуритиш камералари, ёғочни кимёвий ҳимоялаш усуллари, ёғочли композицион материалларнинг турлари, уларни ишлаб чиқаришда қўлланиладиган ёғоч хом ашёлари ва елимларга қўйиладиган талаблар, ёғочли композицион материалларни тайёрлаш технологиялари, ёғочни кесиш назарияси, ёғочга механик ишлов бериш усуллари ва жиҳозлари, ёғочга ишлов берувчи асбобларни ишга тайёрлаш, ёғочнинг конструкцион материал сифатида ишлатилиши, ёғоч буюмларининг турлари в конструктив элементларини билиш талаб қилинади.