S. B. Bairova, G. M. Abduraupova bemorlar bilan ishlash asoslari

AHOLIGA TIBBIY - IJTIMOIY XIZMAT KO‘RSATISHNI 
TASHKIL ETISH 
 
Tibbiy - ijtimoiy xodimlar aholiga tibbiy yordam ko‘rsatish-
da ishtirok etadilar. Aholiga tibbiy-ijtimoiy xizmat – kasalliklar-
ni  oldini  olish,  davolash,  tashxislash  kabi  tibbiy  va  bemorlarni 
parvarish  qilish,  ishlash  qobiliyatini  yo‘qotgan  va  nogironlarga 

---

11 
shoshilinch  yordam  ko‘rsatish  bilan  birga  ularga  nafaqa  to‘lash 
kabi  ijtimoiy  yordamni  o‘z  ichiga  oladi.  Birlamchi  tibbiy 
yordam olish asosiy tibbiy xizmat turlariga kiradi. U o‘z ichiga 
ko‘p  tarqalgan  kasalliklarni  davolash  va  muhim  kasallar  profi-
laktikasi, shikastlanish, zaharlanish va boshqa shoshilinch holat-
larda birinchi yordam ko‘rsatish, sanitariya - gigiyenik va epide-
miyaga  qarshi  tadbirlarni  o‘tkazish,  onalik  va  bolalikni  himoya 
qilish kabi tadbirlarni o‘tkazish va aholiga yashash joyiga qarab 
tibbiy - ijtimoiy yordam berishni oladi. Tibbiy - ijtimoiy yordam – 
bu salomatlikni tiklash, saqlash, mustahkamlash va tutib turish-
ga qaratilgan kasbiy faoliyatdir. 
Bu  sog‘liqni  saqlash  va  aholini  ijtimoiy  himoya  qilish  xiz-
matlari tutashgan qismlaridan shakllanib, tibbiy xodimlar faoliyati 
bilan  o‘zaro  bog‘langandir.  Tibbiy  -  ijtimoiy  yordamni  kerakli 
tibbiy  bilimlari  bor  ijtimoiy  xodim  amalga  oshiradi.  Tibbiy  - 
ijtimoiy  yordam  ijtimoiy  xodim  vazifasining  katta  qismini  tashkil 
etadi.  Uning  asosiy  maqsadi  –  jismoniy  va  ruhiy  nuqsoni  bor 
shaxslar  va  aholining  ijtimoiy  himoyaga  muhtoj  qismining 
salomatligini  saqlashdir.  Tibbiy  -  ijtimoiy  yordamning  parvarish 
obyektlari nogironlar, yoshi o‘tgan va qari kishilar, yetim bolalar, 
yosh onalar, ko‘p bolali oilalar, qochoqlar, ishsizlar kabi tibbiy va 
ijtimoiy ko‘rsatkichlari bo‘yicha alohida guruhlar hisoblanadi.