S. B. Bairova, G. M. Abduraupova bemorlar bilan ishlash asoslari

 
Ma’lumotni tahlil qilish 
 
 
 
Ma’lumotlarni  tahlil  qilish  degani,  bu  ma’lumotlarni  ko‘rib 
chiqish,  baholash,  muammolarni  aniqlashtirish  va  zarur  yor-
damni aniqlashdir.  
 

---

17 
Uyga tashrif davomida parvarish muammolarini aniqlash 
 
Tibbiy-ijtimoiy  xodimlarning  asosiy  vazifasi  ijtimoiy  himo-
yaga  muhtoj  kishilar  (yolg‘iz  qariyalar,  kam  ta’minlangan  oila-
lar,  ijtimoiy  -  maishiy  parvarishga  muhtojlar  va  boshqalar)  ga 
yordam  ko‘rsatish.  Buning  uchun  avval  bemorlarning  kundalik 
hayotdagi  faolligi  asosida  ularning  o‘z-o‘ziga  xizmat  ko‘rsata 
olish imkoniyati aniqlanadi. Baholash varaqasiga kundalik hayot 
uchun ahamiyatga ega bo‘lgan harakatlanish, yechinish va kiyi-
nish,  shaxsiy  gigiyenaga  rioya  qilish  va  ovqatlanish  faoliyatlari 
bo‘yicha  birlamchi  o‘z-o‘ziga  xizmat  darajasi  qayd  etiladi.  Bu 
faoliyatlarning buzilishi turli darajada bo‘lishi mumkin.  
Bemorning  harakatlanishiga  baho  berishda  uning  mustaqil, 
birovning  yordamisiz  jamoat  transportidan  foydalana  olishi, 
uyida  bemalol  harakatlana  olishi,  o‘rnidan  tura  olishi,  o‘rnida 
o‘girila  olishi,  kerakli  mahsulotlarni  xarid  qila  olishi,  zinadan 
tushishi va chiqishi kabi faoliyatlari baholanadi.  
Kiyinish  faoliyatini  baholaganda  ichki,  ustki,  bosh 
kiyimlarini va poyafzalini mustaqil kiyishiga ahamiyat beriladi. 
Vannada,  dush  ostida  mustaqil  cho‘milishi  (butun  tanasini 
va  sochlarini  yuvishi,  sovun  va  mochalkadan  foydalana  olishi), 
tishlarini  mustaqil  tozalashi,  soqolini  olishi,  hojatga  mustaqil 
bora  olishi  kabi  faoliyatlar  shaxsiy  gigiyena  talablarini  bajara 
olishini baholaganda aniqlanadi. 
Ovqatlanishini  baholaganda  ovqat  tayyorlay  olishi,  tayyor 
ovqatni isita olishi e’tiborga olinadi. 
Har bir faoliyat 0 dan 1 ballgacha baholanadi: 
•  0  ball  mustaqil  barcha  harakatlarni  bajara  oladi,  hamma 
faoliyatni yurita oladi. 
•  0,5  ball  yordamchi  va  texnik  vositalar  (hassa,  invalid 
kreslosi, yurish uchun moslama) yordamida bajara oladi. 
• 1,0 ball faoliyat butunlay buzilgan. 
Shundan so‘ng kundalik hayotdagi boshqa faoliyatlari baho-
lanadi: oziq-ovqat mahsulotlarini xarid qilishi va uyga keltirishi, 
uyining tozaligini ta’minlanishi, kirlarini yuvishi kabi faoliyatlar. 
Bemorning  ruhiy  holatini,  kundalik  hayot  talablarini 
bajarishda  undagi  sabr-bardosh  darajasini aniqlash  ham  muhim 
ahamiyatga  ega.  Kishilarning  ruhiy  holati  odatda  o‘z  -  o‘ziga 

---

18 
xizmat ko‘rsatishdagi jismoniy holati darajasiga  bevosita bog‘liq 
bo‘ladi. 
Ma’lumotlarni  tahlil  qilgan  va  umumlashtirgan  holda 
parvarish  muammosi  aniqlanadi.  Muammolarni  hal  qilish  va 
tibbiy ijtimoiy xodim parvarishini tuzish bo‘yicha muammoning 
ustunlikning muhimligini aniqlash muhimdir.