S. B. Bairova, G. M. Abduraupova bemorlar bilan ishlash asoslari

Ichak faoliyati buzilgan bemorlarni parvarish qilish 
Ichakning  asosiy  vazifasi  ovqatni  hazm  qilish,  so‘rish  va 
harakatdan iborat.  
Ichak  faoliyatining  buzilishi.  Turli  kasalliklarda  ichak  funk-
siyalari  buzilib,  og‘riq,  ich  qotishi,  axlatni  tutib  tura  olmaslik, 
meteorizm,  ichakdan  qon  ketishi,  beixtiyor  defikatsiya  hodisa-
lari bilan o‘tishi mumkin.  
Ich  ketar –  ichaklarning  motor  va  sekretor  funksiyalarning 
buzilishi natijasida paydo bo‘ladi. Bunday  o‘zgarishlar noto‘g‘ri 
ovqatlanishda,  ichaklardagi  normal  mikroflora  buzilganda, 
ichaklardagi yallig‘lanish kasalliklarda uchraydi. Asab faoliyatiga 
bog‘liq  ich  ketish  holatlari  ham  ma’lum.  Ingichka  ichakdagi 
yallig‘lanish jarayoni (enterit) da axlat suyuq, mo‘l, och sariq – 
ko‘kimtir  (o‘t  aralashmasidan)  bo‘lib  yo‘g‘on  ichak  shilliq  par-
dasi yallig‘langanda (kolit) da ichi oz - ozdan shilimshiq, yiring 
va qon aralash keladi.