S. Ashirboev, I. Azimov O’zbek tilining tarixiy grammatikasi

Fe’l aspektlari. 
Ayrim adabiyotlarda fe’l aspektlariga mumkinlik va 
nomumkinlik shakllarini ham kiritadilar. Aslida mumkinlik-nomumkinlikni hosil 
qiladigan grammatik shakllar (formalar) yo’q, balki bunday semantika qo’shma 
fe’llar orqali hosil qilinadi. Masalan, 
tarta alar – tarta almas. 
Fe’lning bo’lishli va bo’lishsiz shakllari fe’l aspektlari kategoriyasini hosil 
qiladi, chunki bo’lishsizlik 
–ma//-mә 
affiksi orqali hosil qilinadi va bu affiksni 
olmagan so’z bilan oppozitsiyaga kirishadi: 
barma, keltүrmә
va boshqalar. 
O’timli va o’timsiz fe’llar haqida. 
O’zbek tilida uning tarixiy taraqqiyotidan 
qat’i nazar bunday morfologik kategoriya mavjud bo’lmagan, balki fe’lning 
tushum kelishigidagi so’z bilan bog’lana olishi qobiliyati uning semantik 
xususiyatidir. Demak, o’timlilik va o’timsizlik fe’l shakliga emas, balki u fe’lning 
semantik xususiyati bilan bog’lanadi.