С. А. Эгамбердиева молекуляр

Расм 5.6. Эукариотларда бирламчи транскрипт сплайсинги. Бурчакли 
стрелкалар билан а ва b интронлар йўқ қилингандан кейин 1,2 ва 3 
экзонларнинг бирлашган жойлари кўрсатилган
(Глик ва Пастернак бўйича). 
Одатда экзонлар узунлиги 150 дан 200 гача нуклеотидлардан 
иборат, интронлар узунлиги эса 40 дан 10 000 гача нуклеотидлар 
оралиғида бўлади. Интронсиз эукариотик структуравий генлар жуда 
кам учрайди. Баъзан мРНК сплайсинги альтернатив вариант бўйича 
ўтади. Масалан, баъзи бир тўқималарда функционал мРНК бирламчи 
транскриптнинг барча экзонларининг бирлашиши натижасида ҳосил 
бўлиши мумкин, бошқаларида қандайдир экзон уни фланкирловчи 
интронлар билан бирга кесиб олинади ва бошқа функционал мРНК 
ҳосил бўлади. Альтернатив сплайсинг туфайли турли хил 
тўқималарда айнан бир структуравий геннинг турли хил 
маҳсулотлари ҳосил бўлиши мумкин (расм 5.7). 
Фаол функция олиб борадиган ҳужайрада умумий РНКнинг 3-
5%и мРНК улушига, 90%и – рРНК ва 4%и – тРНК улушига тўғри 
келади. мРНК ўнлаб ҳар хил турдаги молекулалар орқали, рРНК эса 
атиги икки турдаги молекулалар орқали намоён бўлиши мумкин. 
Янада йирикроқ рРНК оқсиллар билан рибосома суббирлиги деб 
номланган рибонуклеопротеидли комплекс, кичик ўлчамли рРНК эса 
кичик рибосома суббирлиги деб номланган комплексни ҳосил 
қилади. Оқсиллар синтези вақтида суббирликлар рибосомалар ҳосил 
қилиб бирлашади. Эукариотларда иккала рибосомал суббирликлар 
прокариотлардагига қараганда йирикроқ бўлади.

---

37 
Расм 5.7. Эукариотларда бирламчи транскриптнинг альтернатив 
сплайсинги. Стрелкалар билан интронлар йўқ қилингандан кейин 
экзонларнинг бирлашган жойлари кўрсатилган. 1,2 интрон билан 
фланкирланган экзон 2 бирламчи транскриптдан ажратилади, экзон 1 ва 3