С а д р и д д и н а й н и й э с к и м а к т а б

учун касалнинг коса, товоқ, чойнак, пиёла ва бўлак нарсаларини
бошқаларникидан ажрат, ишлатилган идишни қайноқ сув билан
ювиб, офтобда қурит, тупуриш учун махсус тупдон сақла, ерни
чуқур қазиб, туфдонни шунга тўк, сўнгра чуқурни қалин тупроқ
билан босиб кўм, туфдонни чайқаганда қайноқ сув ишлат, офтобда
қурит, касалнинг нарсалари бошқаларнинг қўлларига ва овқат-
ларига тегмаслиги тўғрисида қаттиқ эҳтиёт бўл...
XXI
ОКТЯБРЬ ИНҚИЛОБИ
Тошкент кўчаларини тўп, милтиқ товуши ўраб олган, кўчадаги
халқ ҳар томонга қочмоқда, дўкон, уй ва саройларнинг эшиклари
ёпилган, деразаларга қора пардалар тортилган, деворлар, дера-
залар ўқ зарбидан ёрилган ва тешилган...
Шоҳмирза сичқоннинг мушукдан қочаётгандаги шошилиши
каби шошиб-пишиб, югуриб келиб ўз дўконининг кўча томондаги
тахтабандларини боғлиқ кўргач, сарой ичидаги пасқам эшикдан
чойхонасига кирди. Унда ўн беш-йигирма нафарча номаълум
кишилар йиғилган ва навбатма-навбат тахтабанд орқасига бориб
ташқарига қарамоқда эдилар.
Ўз ўрнидан туриб ташқарига қарашга кучи етмаса ҳам, тўшак
устида ярим чўзилган ҳолда ёстиққа суяниб нималар бўлаётганини
англамоқ учун интилмоқда бўлган Одина, Шоҳмирзанинг келиб
кирганини кўргач:
— Саломат қайтдингми, тўполон бошланганда қаерда эдинг?
Ўзи нима гап?— деб устма-уст сўроқлар берди.
Шоҳмирза кўйлагини қўли билан қимирлатиб кўкрагини
елпигани ҳолда:
— Мен,— деди,— бир иш учун Салор бўйига чиққан эдим,
қайтишда қанча кутсам ҳам трамвайдан дарак бўлмади. Пушкин
кўчаси билан пиёда йўлга тушдим: йўл устидаги бутхонага яқин-
лашганимда, Сквер томонидан қарс-қурс қилиб милтиқ товуши
эшитила берди. «Солдатлар машқ қилаётгандир», деб кела бердим,