С а д р и д д и н а й н и й э с к и м а к т а б

бошқа бирор сабабданми, меъда ва ичакларида ҳам иллат пайдо
бўлган экан, шунинг учун овқат ҳазм бўлмай, иштаҳасизлик ва
камқонликка учраган. Кеча ёзган дориларим шу кейинги дарди
учун эди. Агар дориларни ўз вақтида ишлатса, тезлик билан
ичак ва меъдаси соғаяр, аммо силлиги учун тупугини таҳлил
қилиб кўргандан кейин дори ёзаман.
— Дуруст топгансиз, ўзининг айтишича, бундан бир неча кун
бурун Андижонда бир табиб сурги дори ичирган,— деб Шоҳмирза
доктор сўзини тасдиқ қилди.
— Хайриятки, ўлмай қолган,— 'деди доктор,— ичини сурди-
риш бундай касаллар учун ўлимни чақиришдир. Айниқса, табиб-
ларнинг сурги дорилари ҳар қандай соғ ва кучли одамларни
ҳам йиқитади. Шундай дориларнинг биринчи хосияти юракбуруғи
бўлганидан бечора касалнинг ийаклари тамом озорланган.
Доктор ўз сўзининг охирида:
— «Сен сил бўлган экансан», деб касалга айта кўрма, бўлмаса
умрининг қисқарувига сабаб бўлурсан, доктор «тезлик билан
61
www.ziyouz.com kutubxonasi

---

соғаяди», деди, деб уни юпат, тағин эртага келиб мендан хабар ол,
тупугини кўргандан кейин дори ёзаман,— деб Шоҳмирзани
узатди.
Эртаси Шоҳмирза доктор олдига келганда, у:
* — Тупукнинг таҳлили менинг айтганларимни тасдиқ қилди,—
деб бошқа бир дори ёзиб берди,— енгил ҳазм бўладиган овқатлар
еб, тоза ҳаволи жойларда турсин, овқат учун сут, тухум, товуқ
гўшти, сариёгдек нарсаларни кўпроқ ишлатсин, агар топа олса
қанд ўрнида асал, чой ўрнида какао истеъмол қилсин, офтобдан
кўпроқ фойдалансин, қимиз мавсуми келганда қимиз ичсин,— деб
буюрди.
— Шуни ҳам билиб олки,— деди доктор,— бу дард юқумли-
дир, озгина эҳтиётсизлик билан сог кишиларга ўтади. Шунинг