С а д р и д д и н а й н и й э с к и м а к т а б

тортсангиз, фронтдан қочган солдат билан бир саналасиз, фронт-
дан қочган солдатнинг жазоси бир ўқ эканлиги ҳар бир кишига
аёндир. Агар сиз ҳеч бир шарт ва сўзсиз ишласангиз, ишланг,
бўлмаса «марҳамат қилиб» олдинга тушинг, юринг миршаб-
хонага!..
Ўзаро яхши уюшмаган ва катта корхоналардаги яхши уюшган
ишчиларнинг ҳаракатларидан хабарсиз бўлган бу ишчилар шу қа-
дар пўписа билан қўрқиб ишламоққа мажбур бўлдилар.
Сасиб-бижиб кетган пахта исидан хасталанган Одина эса ишдан
бўшалиб, бир тожик ишчининг тарбиясида завод казармасида
йиқилиб қолди.
X
ҲАМДАРДЛАР
Завод эгаси ишчиларнинг соғлиқларини сақлаш, уларнинг
ётиш-туриш жойларини яхшилаш учун бирон пул ҳарж қилувга
кўзи қиймаса ҳам муллалар, эшонлар ва поплар орқали уларнинг
бошларини айлантириш йўлида ақчасини аямас эди. Заводдаги
турли дин ва миллатга (тожик, ўзбек, пирсиён, барбари, армани
ва рус)- бўлган ишчиларнинг ҳар бирини ўз руҳонийлари (имом,
дуохон, равзахон, поп) диний таълимот билан бошларини қотириб,
уларнинг бир-бировларига яқинлашнши йўлларини тўсар эдилар.
Ҳар бир руҳоний ўз диндошига:
— Сиз ғайридин, ғайримиллат кишилардан сақланингиз, улар
сизга таъсир қилиб, динингизни бузиб, ўз динларига киргизиб
олмасинлар, ўз «худоингизга ибодат қилинг, ўз динингиз йўлига
садақа беринг, ўз имом ва диний раҳбарларингизнинг иззатла-
рини бажо келтиринг, уларнинг сўзларидан чиқа кўрманг. Дунё
аҳлининг нози неъматларига ҳасад қилманг, фақирлиқдан ноли-
мангки, бу дунё тез ўтиб кетади. Дунё давлати қолади. Сиз охират
давлатига кўз тикинг, ишлайдиган уйингиз ва хўжайинингизнинг
туз ҳақини оқлангки, туз ҳақи худо ҳақи билан баробардир.
Хўжайинингизга хиёнат қилманг, ҳар қандай иш буюрса жони дил