Ruwxıylıqtanıw” pániniń obekti, predmeti «Ruwxiyliqtanıw»

Ruwxıylıq túsinigi, onıń mazmun hám mánisi

«Ruwxiyliq» túsinigine táriyp beriwde biz eń dáslep Islam Karimovtiń teoriyaliq kóz-qaraslarina, milliy qádriyatlarimizdi, tariyxiy hám mádeniy miyraslarimizdi tiklew boyinsha ámelge asirilip atirǵan iskerligine negizlenemiz.

«Ruwxiyliq» túsinigin táriyplewge ádebiyatlarda keń itibar qaratilmaqta. «Watan tuyǵisi» kitabiniń avtorları «Ruwxiyliq-jámiyettiń, millettiń hám yaki ayirim bir adamniń ishki turmisin, psixologiyaliq keshirmelerin, aqiliy qábiletin, qabil etiwin jámlestiriwshi túsinik^á» - dep táriypleydi.

A.Erkaevtiń pikirinshe, «Ruwxiyliq-insanniń sotsialliq-mádeniy janzat sipatindaǵi mánis-mazmunidur, yaǵniy insanniń mehir-miriwbet, ádalat, tuwriliq, haqkewillik, hújdan, ar-namis, watanpárwarliq, gózzalliqti súyiw, zawiqlaniw, jawizliqqa ǵázep, erk, shidamliliq hám usi siyaqli kóplep hasli insaniy qásiyetler hám páziyletlerdiń úzliksiz birlikke, baylanisliliqqa iye jiyintiǵi bolip tabiladi».

I.A.Karimov «Joqari ruwxiyliq- jeńilmes kúsh» atli miynetinde ruwxiyliqtiń insandi insan qilatuǵin, oniń sanasi hám psixologiyasi menen tiǵiz baylanisli túsinik ekenligin hám oniń hár qanday adam, jámiyet, millet hám xaliq turmisinda hesh bir nárse menen ólshep bolmaytuǵin ayriqsha orin iyeleytuǵinin atap kórsetedi hám bul túsinikke tómendegishe táriyp beredi: «ruwxiyliq - insandi ruwxiy pákleniw, qálbiniń ósiwine shaqiratuǵin, adamniń ishki dúńyasi, erkin kúshli, iyman-isenimin pútin etetuǵin, hújdanin oyatatuǵin teńsiz kúsh, oniń barliq kóz-qaraslariniń ólshemi».

Demek ruwxiyliq - bul insandi basqa barliq tiri janzatlardan ajiratip turiwshi faktor bolip, adamniń ishki dúńyasiniń keńligin, tereńligin, ózin-ózi ańlawin, aqil-oyiniń jaratiwshi qúdiretin, óz aldina maqset hám ideyalar qoya bilip, oǵan erisiw ushin háreket ete aliwin, qádriyatlarǵa iye bola aliwin kórsetedi.

Álbette, hár bir insan ruwxiyliqqa iye boliwǵa qábiletli, lekin ol insan qálbinde shańaraq, ortaliq, jámiyettegi tárbiya arqali ata-babalari-mizdan kiyatirǵan qádriyatlarimiz negizinde, jámiyette ornaǵan birdemlik, mámlekettiń ádalatpárwar hám insanpárwar siyasati tiykarinda qáliplesedi.