Russ nashriyotiga so‘z boshi

Startap emas, biznes boshlang  

  

O‘,  startap!  Bu,  hozirgi  kunda  eng  ko‘p  e’tiborni  tortayotgan  (ayniqsa 

texnologiyalar dunyosida), kompaniyaning o‘ziga xos bir toifasi.  

Startap- bu sehrli joy. Unda xarajat qilish – sizning tashvishingiz emas. U yerda 

foyda haqida hech qachon muhokama qilinmaydi. U yerda to o‘zingiz mustaqil pul 

topishning  yo‘lini  topmaguningizcha,  boshqa  odamlarning  pulini  sarflashingiz 

mumkin. Bu joyda biznes qonunlari qo‘llanilmaydi.   

Bu  joyning  yagona  muammosi  –  u  uydirma.  Haqiqat  shundaki,  har  qanday 

biznes, yangimi yoki eski, o‘sha mavjud iqtisodiyot qoidalari va bozor qonunlariga 

bo‘ysunadi.   

Daromad olamiz, xarajat qilamiz.  

                                           

5

 Ҳисоб юритиш ва молиявий режалаштириш учун фойдаланиладиган дастур  

---

Yoki serdaromad bo‘ling yoki yo‘q bo‘ling.  

Startapchilar  bu  haqiqatni  rad  etishadi.  Bu  ishni  muqarrarlik  (ularning 

bizneslari  o‘sishi,  daromadli,  barqaror,  haqiqiy  bo‘lishi  vaqti)ni  orta  surishga 

urinayotgan odamlar boshqaradi.   

Biznesga  “keyinchalik  qanday  qilib  serdaromad  bo‘lishni  o‘ylab  topamiz” 

degan nuqtai nazar bilan kirib kelish kulgili. Bu huddi kosmik raketani yaratishni: 

“Keling, gravitatsiya mavjud emas deb hisoblaymiz” degan so‘z bilan boshlash bilan 

barobar. Qanday qilib daromadli bo‘lish haqida tushunchaga ega bo‘lmagan biznes- 

biznes hisoblanmaydi, balki, xobbidan boshqa narsa bo‘la olmaydi!   

Shuning  uchun  startap  g‘oyasini  asos  qilib  foydalanmang.  Buning  o‘rniga 

haqiqiy  biznesni  boshlang.  Haqiqiy  biznesda  hisob  va  oylik  maosh  kabi  narsalar 

bilan ish tutishga to‘g‘ri keladi. Haqiqiy biznes mavjudligining birinchi kunidanoq 

foyda haqida o‘ylaydi. Haqiqiy biznes jiddiy muammolarni: “Hammasi joyida, biz 

axir startapmizku”  degan bahona ortiga  yashirmaydi.  O‘zingizni  haqiqiy  biznesga 

munosib  tuting,  shunda  sizda  muvaffaqqiyatga  erishish  uchun  nisbatan  ko‘proq 

imkoniyat bo‘ladi.