Русс нашриётига сўз боши

Ишга олиш 
 
Аввалига ҳаммасини ўзингиз қилинг 
Ишга ўзингиз уни бажариб кўришдан олдин бошқа бировни ёлламанг. 
Шу тарзда сиз ишингизнинг ўзига хос жиҳатларини тушуна оласиз, унинг 
яхши натижаси қандай бўлиши кераклигини тушунтириб бера оласиз, 
кейинчалик интервью вақтида олишингиз мумкин бўлган саволларни била 
оласиз ва уларнинг ҳақиқий таърифини туза оласиз. Сиз бу ишга ходим 
олишда, тўлиқ ставка, қисман бандлик ёки аутсорсинг ёллаш кераклигини 
аниқлаб оласиз. Эҳтимол сиз бу ишни айнан ўзингиз бажаришга қарор 
қиларсиз (охирги вариант ҳатто афзалроқ). 

---

Унинг устига, сиз ўзингиз бажариб кўрган ишни ходимларингиз 
бажараётган вақтда, уларни бошқаришда ўзингизни тўлиқроқ маълумотга эга 
менеджер сифатида тута оласиз. Сиз қаерда қаттиққўллик қилишингиз 
кераклигини, қаерда ёрдам беришингиз кераклигини яхши ўрганиб оласиз. 
Биз 37 signalsда бир қанча серверларнинг пайдо бўладиган заруратини 
мустақил равишда созлаш билан бутун бир ёзни ўтказмасдан туриб, ўзимизга 
тизим администроторларини ёлламадик. Биринчи уч йил давомида биз 
мижозлар учун техник ёрдам вазифасини ўз бўйнимизга олдик ва кейинчалик 
бу вазифа бўйича алоҳида ходимни ёлладик. Бошқача сўз билан айтганда, биз 
тўпни бировга оширишдан олдин ўзимиз имконимиз борича у билан бирга 
узоққа югурдик. Бу ёндашиш билан биз у ёки бу ҳолатда кимни 
излаётганимизни аниқ билардик.
Вақт ўтиши билан сиз ўзингизни ҳудди аккумуляторларингиз 
чарчагандек, ёқилғингиз эса тугагандек ҳис қилишингиз мумкин. Бу 
ҳолатдан чиқишнинг биринчи йўли бошқа бировни ишга ёллаш. Иккинчиси, 
бу имкониятдан фойдаланиб бирор нарсага ўрганиш. Аввалига ўрганишни 
синаб кўринг. Лойиҳанинг биринчи босқичидаги сизнинг йўқотишларингиз 
ақллилик билан иш тутишингиз натижасида юз марталаб қопланиши мумкин.
Шу билан бирга, йўлнинг бошида аввалига ўз бизнесингиз фаолиятидаги 
барча жиҳатларини синчиклаб ўрганиб чиқиш сизга ортиқчалик қилмайди. 
Акс ҳолда, эртами кечми ўзингизнинг тақдирингизни бошқа одамларга 
ишониб топшириб, сиз туман ичида қоласиз. Бу эса ҳавфли.